Արցախի ԱԺ նախագահը և պետնախարարը քննարկել են սոցիալ-տնտեսական խնդիրների մեղմման ուղղությամբ Կառավարության աշխատանքները
1 րոպեի ընթերցում
![Արցախի ԱԺ նախագահը և պետնախարարը քննարկել են սոցիալ-տնտեսական խնդիրների մեղմման ուղղությամբ Կառավարության աշխատանքները](http://armenpress.am/resized/480/static/news/b/2023/08/1117590.jpg)
ՍՏԵՓԱՆԱԿԵՐՏ, 17 ՕԳՈՍՏՈՍԻ, ԱՐՄԵՆՊՐԵՍ: Արցախի Ազգային ժողովի նախագահ Դավիթ Իշխանյանը հանդիպել է պետական նախարար Գուրգեն Ներսիսյանի հետ։
Ինչպես «Արմենպրես»-ին տեղեկացրին Արցախի Հանրապետության Ազգային ժողովից, պետնախարարը ներկայացրել է Հանրապետությունում առկա սոցիալ-տնտեսական խնդիրները և դրանք մեղմելու ուղղությամբ Կառավարության կողմից իրականացվող աշխատանքները։
Նշվում է, որ քննարկվել են նաև պարենային անվտանգությանը վերաբերող հարցեր, զրուցակիցներն անդրադարձել են պետական պահուստային միջոցների և հնարավորությունների բավարարվածության աստիճանին: