Ստեփանակերտի բնակիչներին հորդորում են հնարավորինս խնայողաբար ու նպատակային օգտագործել խմելու ջուրը
1 րոպեի ընթերցում
![Ստեփանակերտի բնակիչներին հորդորում են հնարավորինս խնայողաբար ու նպատակային օգտագործել խմելու ջուրը](http://armenpress.am/resized/480/static/news/b/2023/08/1117230.jpg)
ԵՐԵՎԱՆ, 11 ՕԳՈՍՏՈՍԻ, ԱՐՄԵՆՊՐԵՍ։ Արցախի Հանրապետությունում գործող «Ջրմուղ-կոյուղի» ընկերությունը հորդորում է Ստեփանակերտի բնակիչներին հնարավորինս խնայողաբար ու նպատակային օգտագործել խմելու ջուրը: «Արմենպրես»-ի հաղորդմամբ՝ այս մասին հաղորդագրություն է տարածել Արցախի տեղեկատվական շտաբը։
«Հարգելի՛ քաղաքացիներ, շոգ եղանակի պատճառով Ստեփանակերտը սնուցող գետերի պաշարների նվազեցման և էլեկտրամատակարարման հովհարային անջատումներով ու վառելիքի բացակայությամբ պայմանավորված՝ արտեզյան ջրհորների դադարներով գործարկման պատճառով Ստեփանակերտի շուրջօրյա ջրամատակարարման համակարգը լուրջ խնդիրների է բախվում:
Խնդրում ու հորդորում ենք բոլորիդ հնարավորինս խնայողաբար ու նպատակային օգտագործել խմելու ջուրը:
Պատճառած անհարմարությունների համար հայցում ենք ձեր ներողամտությունը: Նաև հուսով ենք՝ ըմբռնումով կընդունեք մեր խնդրանք-հորդորը»,- նշված է հաղորդագրության մեջ։