Հասարակական

ԱՄՆ ՄԶԳ-ի կողմից մեկնարկած նոր ծրագրի շրջանակում սոցիալական պաշտպանության ոլորտում կիրականացվեն մի շարք նախագծեր

5 րոպեի ընթերցում

ԱՄՆ ՄԶԳ-ի կողմից մեկնարկած նոր ծրագրի շրջանակում սոցիալական պաշտպանության ոլորտում կիրականացվեն մի շարք նախագծեր

ԵՐԵՎԱՆ, 26 ՀՈՒԼԻՍԻ, ԱՐՄԵՆՊՐԵՍ: Երևանում մեկնարկեց ԱՄՆ ՄԶԳ-ի (USAID) «Սոցիալական պաշտպանություն, ներառում և հզորացում» ծրագիրը՝ միտված սոցիալական պաշտպանության ոլորտում սոցիալական ներառմանն ու հզորացմանն առնչվող հարցերին:

«Արմենպրես»-ի հաղորդմամբ՝20 միլիոն դոլար արժողությամբ «Սոցիալական պաշտպանություն, ներառում և հզորացում» հնգամյա ծրագիրն իրականացվում է «Դիմոքրասի Ինթերնեյշնլի» կողմից՝ ՀՀ աշխատանքի և սոցիալական հարցերի նախարարության և ԱՄՆ ՄԶԳ-ի այլ գործընկերների հետ անմիջական համագործակցությամբ:

Ծրագրի շրջանակներում համագործակցության շարունակականությունը մատնանշելու համար միջոցառման ընթացքում փոխըմբռնման հուշագիր ստորագրվեց «Դիմոքրասի Ինթերնեյշնլի» և ՀՀ աշխատանքի և սոցիալական հարցերի նախարարությունների միջև:

ՀՀ աշխատանքի և սոցիալական հարցերի նախարար Նարեկ Մկրտչյանն, ընդգծելով համագործակցության կարևորությունը, նշեց, որ ծրագրի առաջարկը եղել է ԱՄՆ ՄԶԳ-ի կողմից:

«Ծրագրի մեկնարկից առաջ մենք գործընկերների հետ պայմանավորվեցինք, որ պետք է համատեղ ջանքերով սոցիալական պաշտպանության ոլորտում նախանշենք բոլոր կարևոր ուղղությունները: Եվ նպատակին հետամուտ կազմակերպեցինք այս հուշագրի ստորագրումը, որը հնարավորություն կտա ներդաշնակեցնել սոցիալական պաշտպանության ոլորտում հինգ տարիների ընթացքում իրականացվելիք այն աշխատանքները, որոնք կիրականացվեն Դիմոքրասի Ինթերնեյշնլ կազմակերպության կողմից»,- նշեց Նարեկ Մկրտչյանը:

Ըստ նախարարի՝ ծրագրի շրջանակներում կյանքի կոչվող գործողություններն ուղղված կլինեն սոցիալական ներառմանն ու հզորացմանն առնչվող բազում հարցերի, այդ թվում` տեղահանված բնակչություն, կանայք, հատուկ կարիքներ ունեցող անձինք, խաղաղության և անվտանգության ջատագովներ, ընտանեկան/գենդերային բռնության զոհեր, հասարակության այլ մարգինալացված խմբեր: Ինչպես նաև կլինի ռազմավարական ուղղությունների մշակում, քաղաքականությունների և որոշակի ոլորտային ռազմավարությունների մշակման աջակցություն, առանձին ստորաբաժանումների աշխատանքների կարողությունների և հմտությունների զարգացում և թիրախային խմբերի համար ծրագրերի իրականցում և այլն:

ԱՄՆ Միջազգային Զարգացման Գործակալության Առաքելության տնօրեն Ջոն Ալլելոն ընդգծեց, որ այս ծրագիրը ևս մեկ օրինակ է ԱՄՆ ՄԶԳ-ի որդեգրած մոտեցման` ստեղծելու բարենպաստ միջավայր տեղական գործընկերների համար` լուծելու իրենց համայնքների զարգացման մարտահրավերները:

«Այն կապահովի առավել ուժեղ սոցիալական պաշտպանություն` խթանելով «Ոչինչ մեր մասին առանց մեր մասնակցության» սկզբունքը: Մենք ուրախ ենք, որ համագործակցելու ենք ՀՀ աշխատանքի և սոցիալական հարցերի նախարարության հետ, որպեսզի բարելավվեն այն ծառայությունները, որոնք հասանելի չեն խոցելի անձանց, որոնք լրացուցիչ աջակցության կարիք ունեն: Թիրախային խմբերը իրականում շատ են, բայց մենք միշտ ընտրում ենք հնարավորություններ, որպեսզի օգնենք այն մարդկանց, ովքեր առավել շատ ունեն դրանց կարիքը»,- ասաց Ջոն Ալլելոն:

«Դիմոքրասի Ինթերնեյշնլ» ընկերության գործադիր տնօրեն և նախագահ Էրիկ Բյորնլունդը նշեց, որ ժողովրդավարական զարգացման գործընթացների առանցքային դերակատարների, այդ թվում՝ պետական ինստիտուտների, քաղաքացիական հասարակության կազմակերպությունների և որոշումներ կայացնողների, մասնավոր նախաձեռնությունների, ակադեմիական ոլորտի և լրատվամիջոցների միջև համագործակցության միջոցով նպատակ ունեն ապահովելու ապացույցների վրա հիմնված մոտեցումներ՝ աջակցելու ներառման, սոցիալական պաշտպանության և հզորացման քաղաքականությանը և օրենսդրական բարեփոխումներին Հայաստանում:

Ծրագիրը կհամագործակցի Հայաստանի կառավարության, քաղաքացիական հասարակության կազմակերպությունների, մասնավոր հատվածի և այլոց հետ՝ բարելավելու խոցելի և մարգինալացված բնակչության կյանքը:

ՀՀ ՆԳՆ փրկարար ծառայությունը մանրամասներ է հայտնել Աղվերանի հյուրանոցներից մեկի անցակետում տեղի ունեցած պայթյունի վերաբերյալ

Հասարակական

ՀՀ ՆԳՆ փրկարար ծառայությունը մանրամասներ է հայտնել Աղվերանի հյուրանոցներից մեկի անցակետում տեղի ունեցած պայթյունի վերաբերյալ

Աղվերանի հյուրանոցներից մեկի պահակակետում պայթյունի հետևանքով մեկ անձ տեղափոխվել է հիվանդանոց

Հասարակական

Աղվերանի հյուրանոցներից մեկի պահակակետում պայթյունի հետևանքով մեկ անձ տեղափոխվել է հիվանդանոց

ENNHRI-ը հայտարարություն է տարածել ՀՀ ՄԻՊ-ի նկատմամբ քաղաքական գործիչների կողմից սպառնալիքների և հարձակումների առնչությամբ

Հասարակական

ENNHRI-ը հայտարարություն է տարածել ՀՀ ՄԻՊ-ի նկատմամբ քաղաքական գործիչների կողմից սպառնալիքների և հարձակումների առնչությամբ

ՀՀ Ազգային ժողովի նախագահի մամուլի քարտուղար Նելլի Ղուլյանը դադարեցնում է աշխատանքն այդ պաշտոնում

Հասարակական

ՀՀ Ազգային ժողովի նախագահի մամուլի քարտուղար Նելլի Ղուլյանը դադարեցնում է աշխատանքն այդ պաշտոնում

Նախաքննությամբ պարզվում են 4 մարդու կյանք խլած ավտովթարին հանգեցրած գործոնները. ՀՀ քննչական կոմիտե

Հասարակական

Նախաքննությամբ պարզվում են 4 մարդու կյանք խլած ավտովթարին հանգեցրած գործոնները. ՀՀ քննչական կոմիտե

Արմավիրի մարզի Ծաղկալանջ գյուղում ավտոմեքենա է այրվել

Հասարակական

Արմավիրի մարզի Ծաղկալանջ գյուղում ավտոմեքենա է այրվել

Վայոց ձորի մարզի Գետափ-Մարտունի ավտոճանապարհին հողաշերտի փլվածքը մաքրվել է, ճանապարհը երկկողմանի երթևեկելի է

Հասարակական

Վայոց ձորի մարզի Գետափ-Մարտունի ավտոճանապարհին հողաշերտի փլվածքը մաքրվել է, ճանապարհը երկկողմանի երթևեկելի է

«Հայկական Ավիաուղիներ»-ը կթռչեն Ուֆա

Հասարակական

«Հայկական Ավիաուղիներ»-ը կթռչեն Ուֆա

ՃՏՊ Գորիս-Խնձորեսկ ավտոճանապարհին. կան տուժածներ և զոհ

Հասարակական

ՃՏՊ Գորիս-Խնձորեսկ ավտոճանապարհին. կան տուժածներ և զոհ

Բաղրամյան պողոտայում տեղի ունեցած իրադարձությունների հետևանքով բուժօգնության է դիմել 79 քաղաքացիական անձ և ոստիկան

Հասարակական

Բաղրամյան պողոտայում տեղի ունեցած իրադարձությունների հետևանքով բուժօգնության է դիմել 79 քաղաքացիական անձ և ոստիկան

Եթե պարզվի, որ օրենքից դուրս որևէ բան է եղել, կտրվի համապատասխան արձագանք. Փաշինյանը՝ ոստիկանների գործողությունների մասին

Հասարակական

Եթե պարզվի, որ օրենքից դուրս որևէ բան է եղել, կտրվի համապատասխան արձագանք. Փաշինյանը՝ ոստիկանների գործողությունների մասին

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում