Հայաստանի պաշտպանության նախարարը Դուբայի ավիացիոն ցուցահանդեսին մասնակցելու հրավեր է ստացել
1 րոպեի ընթերցում
![Հայաստանի պաշտպանության նախարարը Դուբայի ավիացիոն ցուցահանդեսին մասնակցելու հրավեր է ստացել](http://armenpress.am/resized/480/static/news/b/2023/07/1115585.jpg)
ԵՐԵՎԱՆ, 17 ՀՈՒԼԻՍԻ, ԱՐՄԵՆՊՐԵՍ։ Հայաստանի պաշտպանության նախարար Սուրեն Պապիկյանը հուլիսի 17-ին ընդունել է Հաաստանում Արաբական Միացյալ Էմիրությունների նորանշանակ արտակարգ և լիազոր դեսպան Նարիման Մոհամմեդ Շարիֆ Աբդուլլա Ալմուլլային։ Ինչպես հաղորդում է «Արմենպրես»-ը, այս մասին Սուրեն Պապիկյանը գրել է «Ֆեյսբուք»-ի իր էջում։
«Շնորհավորել եմ տիկին դեսպանին և մաղթել արդյունավետ աշխատանք: Հանդիպման ընթացքում քննարկվել են պաշտպանության ոլորտում հայ-էմիրաթական համագործակցությանն առնչվող հարցեր: Տիկին դեսպանը փոխանցել է 2023 թ. նոյեմբերին Դուբայում կայանալիք Դուբայի ավիացիոն ցուցահանդեսին մասնակցելու` ԱՄԷ փոխնախագահ, վարչապետ, Դուբայի կառավարիչ, պաշտպանության նախարար Շեյխ Մուհամմադ Բին Ռաշեդ Ալ-Մաքթումի հրավերը»: