Հասարակական

Վրաստան հնարավոր կլինի այցելել նույնականացման քարտով. ԱԺ հանձնաժողովը հավանություն տվեց համաձայնագիրը վավերացնելուն

5 րոպեի ընթերցում

Վրաստան հնարավոր կլինի այցելել նույնականացման քարտով. ԱԺ հանձնաժողովը հավանություն տվեց համաձայնագիրը վավերացնելուն

ԵՐԵՎԱՆ, 19 ՀՈՒՆԻՍԻ, ԱՐՄԵՆՊՐԵՍ: Առաջիկայում Հայաստանի քաղաքացիները Վրաստան, իսկ Վրաստանի քաղաքացիները Հայաստան կկարողանան ճամփորդել նաև նույնականացման քարտերով:

«Արմենպրես»-ի հաղորդմամբ՝ Հայաստանի ԱԺ արտաքին հարաբերությունների հանձնաժողովը հավանություն տվեց «Հայաստանի Հանրապետության և Վրաստանի միջև երկու պետությունների քաղաքացիների համար փոխադարձ առանց մուտքի արտոնագրի ճամփորդելու մասին» համաձայնագիրը վավերացնելուն:

Հայաստանի և Վրաստանի միջև գործում է քաղաքացիների համար առանց մուտքի վիզաների այցելության ռեժիմ, որը սահմանվում է 1993 թ մայիսի 19-ին ստորագրված ՀՀ-ի և Վրաստանի քաղաքացիների՝ իրենց տարածքներով առանց վիզաների տեղաշարժման մասին համաձայնագրով: Ներկայումս ՀՀ քաղաքացիներն անձը հաստատող փաստաթղթով Վրաստանի տարածքում կարող են գտնվել մինչև 1 տարի ժամկետով, Վրաստանի քաղաքացիները՝ ՀՀ տարածքում առավելագույն 180 օր մեկ տարվա ընթացքում: Նոր համաձայնագրի ուժի մեջ մտնելուց հետո 1993-ի համապատասխան համաձայնագիրն ուժը կորցրած կճանաչվի:

«2020թ. մարտի 3-ին ՀՀ և Վրաստանի վարչապետների կողմից ստորագրվել է ՀՀ կառավարության և Վրաստանի կառավարության միջև քաղաքացիների տեղաշարժի դյուրացման մասին մտադրությունների հուշագիրը: Կողմերը հայտնել են իրենց մտադրությունը՝ համաձայնագիր կնքելու վերաբերյալ, որն էլ կնքվել է 2023 թ հունվարի 12-ին: Վրացական կողմը փետրվարի 2-ին արդեն ավարտել է ներպետական ընթացակարգերը: ՀՀ-ում նախագիծն անցել է սահմանադրական վերահսկողություն և ներկայացվել ԱԺ»,-ասաց ԱԳ փոխնախարար Վահան Կոստանյանը:

Ըստ համաձայնագրի՝ երկու երկրների քաղաքացիները ձեռք կբերեն միմյանց պետությունների տարածքներ նույնականացման քարտերով այցելելու իրավունք:

Հանձնաժողովի նախագահ Սարգիս Խանդանյանը նշեց, որ համաձայնագրի վավերացումը բխում է ՀՀ կառավարության 2021-2026 թթ ծրագրից, շատ կարևոր է Վրաստանի հետ երկկողմ հարաբերությունների տեսանկյունից: «Սա մեր հարյուրավոր քաղաքացիների կյանքը հեշտացնող նախագիծ է՝ հատկապես այն մարդկանց, որոնք հաճախ են ճամփորդում հարևան երկիր»,-ասաց Խանդանյանը:

ՔՊ խմբակցության պատգամավոր Գուրգեն Արսենյանը շեշտեց՝ հարևանների հետ փոխհարաբերությունները կառուցելիս պետք է առաջնորդվել բացառիկ բարեկամական մթնոլորտ ստեղծելով՝ պաշտոնական և ոչ պաշտոնական հարթություններում: «Մեր կարևորագույն նվաճումը պետք է լինի մեր հարևան ժողովուրդների հետ մեր հարաբերությունների ճշգրտումն ու դրանք հարևանային ռեժիմ տեղափոխելը: Դա մեր առաքելությունն է, մեր պետության անվտանգությունն է…: Մենք այս պահին կանգնած ենք խրթին խնդիրների առջև, որը պարունակում է երկու թնջուկ՝ հայ-ադրբեջանական և հայ-թուրքական հարաբերությունները: Երկու պարագայում էլ թնջուկը գեներացրել է վտանգ՝ Հայաստանի և ժողովրդի անվտանգության համար: Վրաստանի օրինակով մենք պետք է կարողանանք ձգտել, որ մեզ շրջապատող բոլոր ժողովուրդների հետ գտնենք գոյակցության բանալին, այն ֆորմուլան, որը հնարավորություն է տալու մեզ խաղաղ ապրել՝ չունենալով իրար ոչնչացնելու ծրագրեր»,-ասաց Արսենյանը:

Վահան Կոստանյանն արձագանքեց՝ ՀՀ-ն իր երկու հարևան երկրների՝ Վրաստանի և Իրանի հետ հարաբերությունները փորձում է կառուցել անկախ աշխարհաքաղաքական զարգացումներից՝ հաշվի առնելով այն կարևորությունը, որ Հայաստանը տալիս է այդ հարաբերություններին: Իսկ ինչ վերաբերում է Վրաստանի հետ հարաբերություններին՝ փոխնախարարն արձանագրեց, որ հատկապես վերջին տարիներին դրանք բավականին խորացել են, հարաբերությունները բավականին ինտենսիվացել են, քաղաքական մակարդակում հարաբերությունները շատ ակտիվ են: «Իհարկե, մենք հանրային, հասարակական մակարդակում ունենք որոշակի խնդիրներ, որոնք հասցեագրելը շատ կարևոր է, անգամ անվտանգային նշանակություն ունի: Ցավոք, վրացական մեդիայում երբեմն նաև հայտնվում են որոշակի ելույթներ, որոնք ատելության խոսք են պարունակում Հայաստանի և հայերի նկատմամբ: Մենք այս թեմայով սերտորեն աշխատում ենք մեր վրացի գործընկերների հետ այս թեմայով: Եվ վստահ եմ, որ կկարողանանք հաղթահարել այս խնդիրները»,-նշեց Կոստանյանը:

Իսկ ընդհանրապես, փոխնախարարի խոսքով, Հայաստանը և Վրաստանն իրենց հարաբերությունները վերջին մի քանի տարիների ընթացքում կառուցում են միմյանց չվնասելու և միմյանց զգայունություններն ամբողջությամբ հաշվի առնելու վրա:

Համաձայնագիրը կքննարկվի ԱԺ լիագումար նիստում:

ՀՀ ՆԳՆ փրկարար ծառայությունը մանրամասներ է հայտնել Աղվերանի հյուրանոցներից մեկի անցակետում տեղի ունեցած պայթյունի վերաբերյալ

Հասարակական

ՀՀ ՆԳՆ փրկարար ծառայությունը մանրամասներ է հայտնել Աղվերանի հյուրանոցներից մեկի անցակետում տեղի ունեցած պայթյունի վերաբերյալ

Աղվերանի հյուրանոցներից մեկի պահակակետում պայթյունի հետևանքով մեկ անձ տեղափոխվել է հիվանդանոց

Հասարակական

Աղվերանի հյուրանոցներից մեկի պահակակետում պայթյունի հետևանքով մեկ անձ տեղափոխվել է հիվանդանոց

ENNHRI-ը հայտարարություն է տարածել ՀՀ ՄԻՊ-ի նկատմամբ քաղաքական գործիչների կողմից սպառնալիքների և հարձակումների առնչությամբ

Հասարակական

ENNHRI-ը հայտարարություն է տարածել ՀՀ ՄԻՊ-ի նկատմամբ քաղաքական գործիչների կողմից սպառնալիքների և հարձակումների առնչությամբ

ՀՀ Ազգային ժողովի նախագահի մամուլի քարտուղար Նելլի Ղուլյանը դադարեցնում է աշխատանքն այդ պաշտոնում

Հասարակական

ՀՀ Ազգային ժողովի նախագահի մամուլի քարտուղար Նելլի Ղուլյանը դադարեցնում է աշխատանքն այդ պաշտոնում

Նախաքննությամբ պարզվում են 4 մարդու կյանք խլած ավտովթարին հանգեցրած գործոնները. ՀՀ քննչական կոմիտե

Հասարակական

Նախաքննությամբ պարզվում են 4 մարդու կյանք խլած ավտովթարին հանգեցրած գործոնները. ՀՀ քննչական կոմիտե

Արմավիրի մարզի Ծաղկալանջ գյուղում ավտոմեքենա է այրվել

Հասարակական

Արմավիրի մարզի Ծաղկալանջ գյուղում ավտոմեքենա է այրվել

Վայոց ձորի մարզի Գետափ-Մարտունի ավտոճանապարհին հողաշերտի փլվածքը մաքրվել է, ճանապարհը երկկողմանի երթևեկելի է

Հասարակական

Վայոց ձորի մարզի Գետափ-Մարտունի ավտոճանապարհին հողաշերտի փլվածքը մաքրվել է, ճանապարհը երկկողմանի երթևեկելի է

«Հայկական Ավիաուղիներ»-ը կթռչեն Ուֆա

Հասարակական

«Հայկական Ավիաուղիներ»-ը կթռչեն Ուֆա

ՃՏՊ Գորիս-Խնձորեսկ ավտոճանապարհին. կան տուժածներ և զոհ

Հասարակական

ՃՏՊ Գորիս-Խնձորեսկ ավտոճանապարհին. կան տուժածներ և զոհ

Բաղրամյան պողոտայում տեղի ունեցած իրադարձությունների հետևանքով բուժօգնության է դիմել 79 քաղաքացիական անձ և ոստիկան

Հասարակական

Բաղրամյան պողոտայում տեղի ունեցած իրադարձությունների հետևանքով բուժօգնության է դիմել 79 քաղաքացիական անձ և ոստիկան

Եթե պարզվի, որ օրենքից դուրս որևէ բան է եղել, կտրվի համապատասխան արձագանք. Փաշինյանը՝ ոստիկանների գործողությունների մասին

Հասարակական

Եթե պարզվի, որ օրենքից դուրս որևէ բան է եղել, կտրվի համապատասխան արձագանք. Փաշինյանը՝ ոստիկանների գործողությունների մասին

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում