ՀՀ վարչապետը և ԵԱՀԿ Մինսկի խմբի համանախագահը քննարկել են ԼՂ ժողովրդի իրավունքների և անվտանգության խնդիրների հասցեագրման հարցեր
1 րոպեի ընթերցում
![ՀՀ վարչապետը և ԵԱՀԿ Մինսկի խմբի համանախագահը քննարկել են ԼՂ ժողովրդի իրավունքների և անվտանգության խնդիրների հասցեագրման հարցեր](http://armenpress.am/resized/480/static/news/b/2023/05/1111906.jpg)
ԵՐԵՎԱՆ, 26 ՄԱՅԻՍԻ, ԱՐՄԵՆՊՐԵՍ: Վարչապետ Նիկոլ Փաշինյանն ընդունել է ԱՄՆ Կովկասյան բանակցությունների հարցերով ավագ խորհրդական, ԵԱՀԿ Մինսկի խմբի համանախագահ Լուիս Բոնոյին:
Ինչպես «Արմենպրես»-ին տեղեկացրին ՀՀ վարչապետի աշխատակազմից, զրուցակիցները քննարկել են Հայաստանի և Ադրբեջանի միջև հարաբերությունների կարգավորման գործընթացին, Ադրբեջանի կողմից Լաչինի միջանցքի ապօրինի շրջափակման հետևանքով Լեռնային Ղարաբաղում ստեղծված հումանիտար ճգնաժամին, միջազգայնորեն երաշխավորված երկխոսության մեխանիզմի ներքո Լեռնային Ղարաբաղի ժողովրդի իրավունքների և անվտանգության խնդիրների հասցեագրմանը վերաբերող հարցեր:
Ըստ աղբյուրի՝ ՀՀ վարչապետը ներկայացրել է առկա առանցքային խնդիրների կարգավորման հարցում հայկական կողմի մոտեցումները: