Ստեփանակերտից հերքում են Ադրբեջանի տարածած լուրերը ՊԲ-ի կողմից հրադադարը խախտելու վերաբերյալ
1 րոպեի ընթերցում
![Ստեփանակերտից հերքում են Ադրբեջանի տարածած լուրերը ՊԲ-ի կողմից հրադադարը խախտելու վերաբերյալ](http://armenpress.am/resized/480/static/news/b/2023/05/1110757.jpg)
ՍՏԵՓԱՆԱԿԵՐՏ, 12 ՄԱՅԻՍԻ, ԱՐՄԵՆՊՐԵՍ։ Արցախի պաշտպանության բանակը հերքել է Ադրբեջանի պաշտպանության նախարարության տարածած հաղորդագրությունը, թե իբր Պաշտպանության բանակը մի քանի ուղղություններով խախտել է հրադադարի ռեժիմը։
«Ադրբեջանի ՊՆ տարածած հաղորդագրությունն այն մասին, թե իբր ՊԲ ստորաբաժանումները մայիսի 11-ի լույս 12-ի գիշերը կրակ են բացել Արցախի Հանրապետության Մարտակերտի, Ասկերանի, Շուշիի և Քաշաթաղի շրջանների օկուպացված տարածքներում տեղակայված ադրբեջանական դիրքերի ուղղությամբ, հերթական ապատեղեկատվությունն է»,- ասված է Պաշտպանության բանակի տարածած հաղորդագրության մեջ։