ԱրարատԲանկն արժանացել է «Valued Partner of EBRD» մրցանակին

2 րոպեի ընթերցում

ԵՐԵՎԱՆ, 19 ԱՊՐԻԼԻ, ԱՐՄԵՆՊՐԵՍ: ԱրարատԲանկն արժանացել է Վերակառուցման և զարգացման եվրոպական բանկի «ՎԶԵԲ-ի կարևոր գործընկեր» (Valued Partner of EBRD) մրցանակին՝ ՎԶԵԲ-ի և ԱրարատԲանկի միջև երկարատև և արդյունավետ համագործակցության համար։

Ինչպես հայտնել են բանկից, Վերակառուցման և զարգացման եվրոպական բանկի և ԱրարատԲանկի միջև արդյունավետ և երկարատև համագործակցությունը մեկնարկել է դեռևս 2007թ.-ին։

Համագործակցության շրջանակում շուրջ երկու տարի հատկացվել է Ինստիտուցիոնալ զարգացման ծրագրի իրականացմանը (Institutional Building Programme), որի ընթացքում ԱրարատԲանկի գրեթե բոլոր ստորաբաժանումներն անցել են համապատասխան վերապատրաստումներ, գործընթացները վերափոխվել են և համապատասխանեցվել միջազգային չափանիշներին, ներդրվել է կորպորատիվ կառավարման մշակույթ, կատարվել են բարեփոխումներ ռիսկերի կառավարման և գնահատման գործընթացներում։

«Բանկի առաջին մեծ ձեռքբերումը Վերակառուցման և զարգացման եվրոպական բանկի (ՎԶԵԲ) հետ կնքված երկու պայմանագրերն էին՝ ուղղված Հայաստանում միջազգային առևտրի խթանմանը և ՓՄՁ ոլորտի ֆինանսավորմանը։ Համագործակցությունը հնարավորություն է տվել մեզ լինել հայաստանյան առաջնային բանկերի շարքում և հաճախորդներին տրամադրել եվրոպական բանկային համակարգի չափանիշներին համապատասխանող ծառայություններ»,- ասել է ԱրարատԲանկի Միջազգային գործառնությունների վարչության ղեկավար Զարուհի Մելքոնյանը։

Նշվում է, որ «ԵՄ-ն Բիզնեսի համար-ՎԶԵԲ վարկային գիծ» ծրագիրը ԵՄ-ի և ՎԶԵԲ-ի համատեղ նախաձեռնությունն է, որն օգնում է հայկական ՓՄՁ-ներին ֆինանսավորում ստանալ սարքավորումների և տեխնիկայի արդիականացման նպատակով։

Մրցանակը շնորհվել է ապրիլի 14-ին՝ Երևանի «ԴաբլԹրի բայ Հիլթոն» հյուրանոցում կայացած «ԵՄ-ն Բիզնեսի համար-ՎԶԵԲ վարկային գիծ – գրանցված արդյունքներն ու հեռանկարները» միջոցառման ընթացքում։

Հայերեն English Русский

Վահան Կոստանյանը Ալբանիայի գործընկերոջ հետ քննարկել է երկկողմ օրակարգի ընդլայնման հեռանկարները

«Երևանի ավտոբուս»-ում մեկնարկել է «Հայգեր» մակնիշի ավտոբուսների նվիրատվության գործընթաց

Հայաստանն ընդունել է Գազայից երեք պաղեստինցի երեխաների` խիստ անհրաժեշտ մասնագիտացված բժշկական օգնություն ցուցաբերելու նպատակով

ԱԳՄԱ նախարարի տեղակալը մասնակցել է Ասիա-խաղաղօվկիանոսյան տարածաշրջանի տրանսպորտի հարցերով նախարարական հինգերորդ համաժողովի եզրափակիչ նիստին

Շինաշխատանքներով պայմանավորված նոյեմբերի 21-ից 24-ը կփակվի Վաղարշապատ-Մասիս ճանապարհի մի հատվածը

Մեկնարկել են «Անվտանգ տարի փրկարարի հետ» իրազեկման և ուսուցման դասընթացները․ մասնակցել է ավելի քան 900 քաղաքացի

Քաղաքացիները կկարողանան եկամտային հարկից հատկացումներ կատարել ՀԿ-ներին, լրատվամիջոցներին և կուսակցություններին

Գավառ համայնքում հայտնի են «Վոլեյբոլի դպրոցականների լիգա» մրցաշարի համայնքային փուլի հաղթող թիմերը

Փաշինյանը ցավակցություն է հայտնել Թբիլիսիում պայթյունի հետևանքով զոհվածների հարազատներին

Շիրակի քրեական ոստիկանները թմրանյութի իրացումների շղթա են բացահայտել