368.2
ԱԺ-ում զինված ուժերի ներկայացուցիչների մասնակցությամբ փակ քննարկում կանցկացվի
1 րոպեի ընթերցում
ԵՐԵՎԱՆ, 12 ԱՊՐԻԼԻ, ԱՐՄԵՆՊՐԵՍ։ Ազգային ժողովում ապրիլի 13-ին Զինված ուժերիև այլ համապատասխան գերատեսչությունների ներկայացուցիչների մասնակցությամբ փակ քննարկում կանցկացվի՝ Տեղ գյուղի մոտակայքում ադրբեջանական հերթական ագրեսիայի հետևանքով ստեղծված իրավիճակի և անվտանգային միջավայրի վերաբերյալ։ Ինչպես տեղեկացնում է «Արմենպրես»-ը, Ազգային ժողովում այս մասին հայտարարեց Ազգային ժողովի նախագահի տեղակալ Ռուբեն Ռուբինյանը։
« Հիշում եք, որ այսօր առավոտյան «Հայաստան» խմբակցության քարտուղար Արծվիկ Մինասյանն առաջարկեց, որպեսզի երեկվա իրադարձությունների և ընդհանրապես անվտանգային միջավայրի վերաբերյալ փակ քննարկում կազմակերպվի համապատասխան գերատեսչությունների ներկայացուցիչների հետ։
Տեղեկացնեմ, որ կազմակերպել ենք, որը տեղի կունենա վաղը Պաշտպանության և անվտանգության հանձնաժողովի փակ նիստի ձևաչափով, որին կկարողանան մասնակցել բոլոր պատգամավորներ։ Ժամի մասին հավելյալ կտեղեկացնենք»,- ասաց Ռուբինյանը։
Բաժանորդագրվեք մեր ալիքին Telegram-ում