Կեղծ են լուրերը, թե ապրիլի 1-ից կբացվի Արցախը Հայաստանին կապող ճանապարհը. Արցախի ՆԳՆ
1 րոպեի ընթերցում
![Կեղծ են լուրերը, թե ապրիլի 1-ից կբացվի Արցախը Հայաստանին կապող ճանապարհը. Արցախի ՆԳՆ](http://armenpress.am/resized/480/static/news/b/2023/04/1107747.jpg)
ԵՐԵՎԱՆ, 1 ԱՊՐԻԼԻ, ԱՐՄԵՆՊՐԵՍ: Սոցիալական ցանցերում տարածվող այն խոսույթը, թե իբր այսօրվանից՝ ապրիլի 1-ից կբացվի Արցախը Հայաստանին կապող ճանապարհը, չի համապատասխանում իրականությանը։
«Արմենպրես»-ի փոխանցմամբ՝ այս մասին տեղեկացնում են Արցախի ներքին գործերի նախարարությունից:
2022 թվականի դեկտեմբերի 12-ից առ այսօր Ադրբեջանը Շուշի քաղաքի մերձակայքում փակել է արտաքին աշխարհի հետ կապող կյանքի միակ ճանապարհը։
Արդեն 111 օր է Արցախը շարունակում է մնալ շրջափակման մեջ, հաղթահարելով բազմաթիվ դժվարություններ, դիմակայելով ճանապարհի փակ լինելու պատճառով առաջացած հումանիտար խնդիդրներին։
Ստեփանակերտ-Բերդաձոր-Կոռնիձոր-Գորիս ճանապարհով այս պահին հնարավոր է միայն իրականացնել Արցախի հումանիտար մատակարարումները` ռուս խաղաղապահների և Կարմիր խաչի միջազգային կոմիտեի կողմից:
Երթևեկությունը դեպի ՀՀ և հակառակ ուղղությամբ անկանխատեսելի վտանգավոր է, քանի դեռ Շուշիի հատվածում են ադրբեջանցի պսևդո-բնապահպաններն ու զինվորականները։
ՆԳՆ-ից հորդորում են չտրվել կեղծ տեղեկություններին և հետևել միայն պաշտոնական լրահոսին։