Ռուսաստանը կոչ է անում վերսկսել հայ-ադրբեջանական բանակցությունները բոլոր ուղղություններով

2 րոպեի ընթերցում

ԵՐԵՎԱՆ, 23 ՄԱՐՏԻ, ԱՐՄԵՆՊՐԵՍ: Մոսկվան մտահոգված է Լեռնային Ղարաբաղում միջադեպերի թվի աճով: «Արմենպրես»-ի փոխանցմամբ՝ այս մասին լրագրողների հետ ճեպազրույցում հայտնել է ՌԴ ԱԳՆ պաշտոնական ներկայացուցիչ Մարիա Զախարովան:

«Մեզ իսկապես մտահոգում է թշնամական հռետորաբանության աճը և Լեռնային Ղարաբաղում միջադեպերի թվի աճը, Լաչինի միջանցքի շուրջ իրադրության կարգավորման հարցում փոխհամաձայնության հասնելու կողմերի անպատրաստակամությունը: Մենք հիմնվում ենք այն բանի վրա, որ խաղաղ գործընթացի այլընտրանք գոյություն չունի: Այդ հարցում մենք վճռական ենք և վերահաստատում ենք մեր դիրքորոշումը», - նշել է դիվանագետը:

Զախարովան շեշտել է, որ հարկավոր է վերսկսել հայ-ադրբեջանական բանակցությունները:

«Կողմերին կոչ ենք անում զսպվածություն դրսևորել հայտարարություններում, զսպվածություն դրսևորել գործողություններում, վերսկսել բանակցությունները հայ-ադրբեջանական կարգավորման բոլոր ուղղություններով, այդ թվում՝ տրանսպորտային հաղորդակցությունների ապաշրջափակման, սահմանի սահմանազատման, խաղաղության համաձայնագրի նախապատրաստման, հասարակական գործիչների, խորհրդարանականների հանդիպումների անցկացման և այլն», - ասել է ՌԴ ԱԳՆ ներկայացուցիչը:

Նա նշել է, որ հաճախ են հնչում հարցեր, թե ինչպես է ՌԴ-ն վերաբերում այս հարցում Արևմուտքի ներգրավվածությանը:

«Հենց նրանք հայտնվեցին, միանգամից առաջացան մասշտաբային խնդիրներ: Խաղաղության և օգնելու ցանկության մասին բոլոր խոսքերի հետևում իրական գործընթացում տեսնում ենք Արևմուտքի հայտարարություններին միանգամայն հակասող բաներ», - ասել է Զախարովան:

Անդրադառնալով ավելի վաղ Էնթոնի Բլինքենի արած հայտարարությանը, որ Երևանը և Բաքուն շուտով կարող են խաղաղության համաձայնության հասնել, Զախարովան ասել է, որ հարկավոր է մեկնաբանել արդեն տեղի ունեցած իրադարձությունները, իսկ այժմ մեկնաբանելու ոչինչ չկա:

Հայերեն العربية English Français

ԵՄ-ն հարկ կսահմանի առցանց գնվող ապրանքների համար

Ռուբիոն հայտնել է, որ ԵՄ-ն կարող է ավելի ուշ սեփական պատժամիջոցներ կիրառել Իրանի դեմ

Մեկնարկել է «Դպրոցականների բասկետբոլի լիգա»-ի միջմարզային փուլը

ՀՀ ԿԳՄՍ նախարարը Էստոնիայում քննարկել է թվայնացման ոլորտի մի շարք հարցեր

Բավրա գյուղից 10 կմ հարավ-արևելք 3-4 բալ ուժգնությամբ երկրաշարժ է տեղի ունեցել

ՀՀ ԿԳՄՍ փոխնախարարը Իսպանիայի դեսպանի հետ քննարկել է  համագործակցության հեռանկարները

Ռուբիոն հայտնել է, որ ԱՄՆ-ն չի դադարեցրել զենքի մատակարարումը Ուկրաինային

Թալին-Մաստարա ավտոճանապարհին բեռնատարին բախված ավտոմեքենայի վարորդը և ուղևորը հոսպիտալացվել են

Հայաստանի և Ֆրանսիայի ԱԳ նախարարները քննարկել են երկկողմ գործընկերության շրջանակում ընթացիկ և առաջիկա շփումների օրակարգը

Սուրեն Պապիկյանն ու Ազիզ Նասիրզադեն բարձր են գնահատել պաշտպանության բնագավառում Հայաստանի ու Իրանի միջև համագործակցության մակարդակը