Արցախի առողջապահության նախարար է նշանակվել Վարդան Թադևոսյանը

ԵՐԵՎԱՆ, 14 ՄԱՐՏԻ, ԱՐՄԵՆՊՐԵՍ: Արցախի առողջապահության նախարար է նշանակվել Վարդան Նիկոլայի Թադևոսյանը: «Արմենպրես»-ն այս մասին տեղեկանում է Արցախի նախագահի հրամանագրից:

Հրամանագրերից մեկով Սամվել Արծրունու Ավետիսյանն ազատվել է Արցախի Հանրապետության առողջապահության նախարարի պաշտոնից՝ իր դիմումի համաձայն:

Սամվել Ավետիսյանն Արցախի Հանրապետության առողջապահության նախարար էր նշանակվել 2022 թվականի դեկտեմբերի 21-ին:2023 թվականի մարտի 13-ին նա ազատման դիմում էր ներկայացրել: