Ադրբեջանի ԶՈՒ դիվերսիոն խմբի հարձակման հետևանքով զոհվել է Արցախի ՆԳՆ ոստիկանության 3 ծառայող, ևս մեկը վիրավորվել է
1 րոպեի ընթերցում
ՍՏԵՓԱՆԱԿԵՐՏ, 5 ՄԱՐՏԻ, ԱՐՄԵՆՊՐԵՍ: Ադրբեջանի ԶՈՒ դիվերսիոն խմբի՝ մարտի 5-ի առավոտյան ձեռնարկած հարձակման հետևանքով զոհվել է Արցախի ՆԳՆ ոստիկանության 3 ծառայող, ևս մեկը վիրավորվել է։ «Արմենպրես»-ի հաղորդմամբ՝ այս մասին տեղեկացրել է ոստիկանության «Ֆեյսբուք»-ի էջը։
«Այսօր առավոտյան՝ ժամը 10։00-ի սահմաններում, ադրբեջանական զինուժի դիվերսիոն խումբը «Խայփալու» կոչվող տեղանքում թիրախավորել և կրակ է բացել ոստիկանության անձնագրային և վիզաների վարչության անձնակազմի հերթափոխի մեքենայի վրա։
Դիվերսիոն ներթափանցման հետևանքով զոհվել է ոստիկանության 3 ծառայող.
Փոխգնդապետ՝ Արմեն Մայորի Բաբայան
Մայոր՝ Դավիթ Վալերիի Դանիելյան
Լեյտենանտ՝ Արարատ Թելմանի Գասպարյան:
Եվս մեկ ծառայող՝ լեյտենանտ Դավիթ Աշոտի Հովսեփյանը, ստացել է կրծքավանդակի հրազենային վիրավորում և գտնվում է հանրապետական բժշկական կենտրոնում:
ՆԳ նախարարությունն այս ծանր պահին կիսում է զոհված ոստիկանների կորստի վիշտը, զորակցություն հայտնում նրանց ընտանիքների անդամներին»,- ասվում է հաղորդագրության մեջ: