Ադրբեջանը մասնակիորեն վերականգնել է Հայաստանից Արցախ՝ իր իսկ արգելափակած գազամատակարարումը
1 րոպեի ընթերցում
![Ադրբեջանը մասնակիորեն վերականգնել է Հայաստանից Արցախ՝ իր իսկ արգելափակած գազամատակարարումը](http://armenpress.am/resized/480/static/news/b/2023/02/1104222.jpg)
ԵՐԵՎԱՆ, 15 ՓԵՏՐՎԱՐԻ, ԱՐՄԵՆՊՐԵՍ: Ադրբեջանը մասնակիորեն վերականգնել է Հայաստանից Արցախ գազամատակարարումը, որը հերթական անգամ արգելափակել էր փետրվարի 8-ին:
Ինչպես «Արմենպրես»-ը տեղեկանում է Արցախի տեղեկատվական շտաբի տարածած հաղորդագրությունից, հաշվի առնելով մատակարարվող գազի ոչ բավարար ծավալը՝ առայժմ գազը կմատակարարվի Ստեփանակերտ քաղաքի բաժանորդ-բնակիչներին:
Գազի բավարար ճնշումը ապահովելուց հետո՝ ուշ երեկոյան, նախատեսվում է վերականգնել մայրաքաղաքի և շրջկենտրոնների գազալցակայանների մատակարարումը:
«Արցախգազ» ընկերությունը հորդորում է լինել ուշադիր և պահպանել անվտանգության կանոնները: