Արցախի ԱԳ նախարար Սերգեյ Ղազարյանն ընդունել է ՀՀ հասարակական հատվածի ներկայացուցիչների
1 րոպեի ընթերցում
![Արցախի ԱԳ նախարար Սերգեյ Ղազարյանն ընդունել է ՀՀ հասարակական հատվածի ներկայացուցիչների](http://armenpress.am/resized/480/static/news/b/2023/01/1102910.jpg)
ՍՏԵՓԱՆԱԿԵՐՏ, 30 ՀՈՒՆՎԱՐԻ, ԱՐՄԵՆՊՐԵՍ: Արցախի Հանրապետության արտաքին գործերի նախարար Սերգեյ Ղազարյանն ընդունել է Հայաստանի դեմոկրատական կուսակցության «Ի պաշտպանություն Արցախի» հասարակական նախաձեռնության և «Կանայք հանուն հայոց հայրենիքի» կազմակերպության պատվիրակություններին։
Ինչպես «Արմենպրես»-ին տեղեկացրին Արցախի Հանրապետության արտգործնախարարությունից, հանդիպման ընթացքում քննարկվել են Ադրբեջանի կողմից Արցախի շարունակվող շրջափակման հետևանքով ստեղծված իրավիճակն ու այն հաղթահարելուն միտված հնարավոր քայլերը։