Արցախում գործունեություն ծավալող յուրաքանչյուր բանկ երկրի ներսում գործող մյուս բանկերի քարտերը սպասարկելու է առանց միջնորդավճարի
1 րոպեի ընթերցում
![Արցախում գործունեություն ծավալող յուրաքանչյուր բանկ երկրի ներսում գործող մյուս բանկերի քարտերը սպասարկելու է առանց միջնորդավճարի](http://armenpress.am/resized/480/static/news/b/2023/01/1102409.jpg)
ԵՐԵՎԱՆ,24 ՀՈՒՆՎԱՐԻ,ԱՐՄԵՆՊՐԵՍ: Այսուհետև Արցախի Հանրապետությունում գործունեություն ծավալող յուրաքանչյուր բանկ Արցախում գործող մյուս բանկերի քարտերն սպասարկելու է առանց միջնորդավճար գանձելու, իսկ դրա՝ տեխնիկապես անհնարինության դեպքում՝ գանձված միջնորդավճարը քարտապանին կվերադարձվի գործարքի հաջորդ օրը:
«Արմենպրես»-ն այս մասին տեղեկանում է Արցախի օպերատիվ շտաբի տարածած հաղորդագրությունից:
«Արձագանքելով բնակչության կողմից բարձրացված խնդրին և հաշվի առնելով ստեղծված իրավիճակը՝ Արցախի Օպերատիվ շտաբը հարցը քննարկել էր ՀՀ կենտրոնական բանկի հետ, որից հետո Արցախում գործող բոլոր բանկերին առաջարկվել էր վերոնշյալ կարգավորումը: Բոլոր բանկերն իրենց համաձայնությունն են տվել և պատրաստակամություն են հայտնել ապահովել ընթացակարգի իրականացումը»,- նշված է հաղորդագրության մեջ: