Ռուբեն Վարդանյանը շնորհակալություն է հայտնել Մխիթարյանին, Խաչանովին, Քարդաշյանին և այլ հայտնիների ծանր պահին Արցախի ժողովրդի կողքին լինելու համար
1 րոպեի ընթերցում
![Ռուբեն Վարդանյանը շնորհակալություն է հայտնել Մխիթարյանին, Խաչանովին, Քարդաշյանին և այլ հայտնիների ծանր պահին Արցախի ժողովրդի կողքին լինելու համար](http://armenpress.am/resized/480/static/news/b/2023/01/1102337.jpg)
ԵՐԵՎԱՆ, 23 ՀՈՒՆՎԱՐԻ, ԱՐՄԵՆՊՐԵՍ: Արցախի պետական նախարար Ռուբեն Վարդանյանը շնորհակալություն է հայտնել Հենրիխ Մխիթարյանին, Կարեն Խաչանովին, Քիմ Քարդաշյանին, Սերժ Թանկյանին, Ռոզա Լինին և այլոց, ովքեր ծանր պահին իրենց աջակցությունն են հայտնել Արցախի ժողովրդին և բարձրաձայնել այն խնդիրների մասին, որոնց վերջիններս բախվում են Ադրբեջանի կողմից Լաչինի միջանցքը շրջափակելու հետևանքով:
«Շնորհակալություն եմ հայտնում Հենրիխ Մխիթարյանին, Կարեն Խաչանովին, Քիմ Քարդաշյանին, Սերժ Թանկյանին, Ռոզա Լինին և շատ այլ մարդկանց այս դժվար պահին Արցախի ժողովրդի կողքին կանգնելու և իրենց ձայնը բարձրացնելու համար: Ձեր ձայնն ու աջակցությունը շատ մեծ նշանակություն ունեն «Արմենպրես»-ի փոխանցմամբ՝ Թվիթեր»-ի իր միկրոբլոգում գրել է Վարդանյանը:
@HenrikhMkh, @karenkhachanov, @KimKardashian, @serjtankian, @rosalinnmusic and so many others - thank you for standing by and speaking up for the people of #Artsakh/ #NagornoKarabakh during this difficult time. Your voices and support mean so much. pic.twitter.com/hcB11fK9x3
— Ruben Vardanyan (@RubenVardanyan_) January 22, 2023