388.4
Արցախի նախագահը ցավակցել է հրդեհի զոհ դարձած 15 զինծառայողների հարազատներին
1 րոպեի ընթերցում
ԵՐԵՎԱՆ,19 ՀՈՒՆՎԱՐԻ,ԱՐՄԵՆՊՐԵՍ: Արցախի Հանրապետության նախագահ Արայիկ Հարությունյանը ցավակցել է ՀՀ ՊՆ զորամասերից մեկի ինժեներասակրավորային վաշտի կացարանում հրդեհի զոհ դարձած 15 զինծառայողների հարազատներին ու մերձավորներին: «Արմենպրես»-ն այս մասին տեղեկանում է Արցախի նախագահի՝ «Ֆեյսբուք»-ի էջում կատարած գրառումից:
«Արցախի ժողովրդի, իշխանությունների և անձամբ իմ անունից ցավակցություն ու զորակցություն եմ հայտնում հունվարի 19-ին Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում հրդեհի զոհ դարձած զինծառայողների հարազատներին ու մերձավորներին։ Շուտափույթ ապաքինում եմ մաղթում բոլոր տուժածներին:
Այս ծանր պահին մեր եղբայրների հետ միասին կիսում ենք կորստի ցավն ու վիշտը»,- նշված է ցավակցական գրառման մեջ:
Բաժանորդագրվեք մեր ալիքին Telegram-ում
