1 րոպեի ընթերցում
ԵՐԵՎԱՆ, 17 ՀՈՒՆՎԱՐԻ, ԱՐՄԵՆՊՐԵՍ: Դավիթ Բաբայանը նշանակվել է Արցախի Արցախի Հանրապետության նախագահի խորհրդական - Արցախի Հանրապետության նախագահի հատուկ հանձնարարությունների գծով ներկայացուցիչ: «Արմենպրես»-ի հաղորդմամբ՝ այս մասին «Ֆեյսբուք» սոցիալական ցանցի իր էջում գրել է Բաբայանը:
«Թանկագի՛ն հայրենակիցներ, բարեկամներ, կուսակիցներ,
Այսօր նշանակվել եմ Արցախի Հանրապետության Նախագահի խորհրդական - Արցախի Հանրապետության Նախագահի հատուկ հանձնարարությունների գծով ներկայացուցիչ։
Շարունակելու ենք ծառայել մեր պետությանն ու ժողովրդին»,- նշված է գրառման մեջ:
Հունվարի 11-ին Արցախի նախագահի հրամանագրով Դավիթ Բաբայանն ազատվել էր Արցախի Հանրապետության արտաքին գործերի նախարարի ժամանակավոր պաշտոնակատարի պաշտոնից:
