Շրջափակված Արցախում կան ՌԴ և այլ երկրների քաղաքացիներ. նրանց մի մասին հաջողվել է դուրս բերել
1 րոպեի ընթերցում
![Շրջափակված Արցախում կան ՌԴ և այլ երկրների քաղաքացիներ. նրանց մի մասին հաջողվել է դուրս բերել](http://armenpress.am/resized/480/static/news/b/2023/01/1101863.jpg)
ԵՐԵՎԱՆ, 17 ՀՈՒՆՎԱՐԻ, ԱՐՄԵՆՊՐԵՍ։ Շրջափակման հետևանքով Արցախում մնացած Ռուսաստանի և այլ երկրների քաղաքացիներ դուրս են բերվել Արցախից։ Այս մասին «Արմենպրես»-ը տեղեկանում է Արցախի Հանրապետության պետնախարար Ռուբեն Վարդանյանի «Տելեգրամ»-ի էջից։
«Շրջափակման հետևանքով Արցախում մնացել են Ռուսաստանի և այլ երկրների քաղաքացիներ։ Ընտանիքները, այդ թվում՝ երեխաներ ունեցողներ, արգելափակվել են ավելի քան մեկ ամիս։ Արցախի կառավարությունը Ռուսաստանի Դաշնության խաղաղապահների հետ համատեղ վաղուց նախապատրաստել և այսօր կազմակերպել է նրանց մի մասի վերադարձը հայրենիք։ Սակայն Արցախի 120 հազար քաղաքացիների, այդ թվում՝ 30 հազար երեխաների համար անմարդկային շրջափակումը շարունակվում է»,- գրել է Վարդանյանը։