Արցախի ԱԺ նախագահը չի բացառում արտահերթ խորհրդարանական և նախագահական ընտրությունների անցկացումը. Արցախպրես
1 րոպեի ընթերցում
![Արցախի ԱԺ նախագահը չի բացառում արտահերթ խորհրդարանական և նախագահական ընտրությունների անցկացումը. Արցախպրես](http://armenpress.am/resized/480/static/news/b/2023/01/1101668.jpg)
ԵՐԵՎԱՆ, 14 ՀՈՒՆՎԱՐԻ, ԱՐՄԵՆՊՐԵՍ/Արցախպրես: Ստեղծված ճգնաժամային իրավիճակի հաղթահարման նպատակով Արցախում արտահերթ խորհրդարանական և նախագահական ընտրությունների անցկացումը Արցախի Հանրապետության ԱԺ նախագահ Արթուր Թովմասյանը չի բացառում:
«Արմենպրես»-ի փոխանցմամբ՝ «Արցախպրես»-ի այն հարցին՝ արդյոք, եթե խորհրդարանական և նախագահական ընտրություններ կայանան, նա կառաջադրի իր թեկնածությունը, Թովմասյանը պատասխանեց՝ հաշվի առնելով իր քաղաքական փորձն ու անցած ճանապարհը՝ դա միանշանակ, հնարավոր է:
«Թե՛ արտահերթ խորհրդարանական, թե՛ արտահերթ նախագահական ընտրություններին, որպես Արցախի Հանրապետության նախագահի թեկնածու անպայման կմասնակցեմ՝ իհարկե, խորհրդակցելով առաջին հերթին մեր քաղաքական ուժի և հանրային լայն շրջանակների հետ»,- ասել է Արթուր Թովմասյանը։