Արցախի նախագահն ու պահեստազորի սպաների միության անդամները քննարկել են շրջափակման հետևանքով երկրում ստեղծված իրավիճակը
1 րոպեի ընթերցում
![Արցախի նախագահն ու պահեստազորի սպաների միության անդամները քննարկել են շրջափակման հետևանքով երկրում ստեղծված իրավիճակը](http://armenpress.am/resized/480/static/news/b/2022/12/1100575.jpg)
ԵՐԵՎԱՆ, 26 ԴԵԿՏԵՄԲԵՐԻ, ԱՐՄԵՆՊՐԵՍ: Արցախի Հանրապետության նախագահ Արայիկ Հարությունյանը դեկտեմբերի 26-ին ընդունել է «Արցախի պահեստազորի սպաների միություն» ՀԿ մի խումբ անդամների` կազմակերպության նախագահ Կարմեն Ասլանյանի գլխավորությամբ:
Ինչպես «Արմենպրես»-ին հայտնում են Արցախի նախագահի աշխատակազմից, քննարկվել են Ադրբեջանի կողմից Լաչինի միջանցքի շրջափակման հետևանքով երկրում ստեղծված ռազմաքաղաքական ու հումանիտար իրավիճակը, դրա հանգուցալուծմանն ուղղված քայլերն ու հետագա անելիքները:
Հանդիպման վերջում երկրի ղեկավարը պատասխանել է նաև ներկաներին հուզող հարցերին: