Շրջափակված Արցախի մանուկների համար Ստեփանակերտի Օղակաձև պուրակում կազմակերպվել է տոնածառի լույսերը վառելու արարողություն
1 րոպեի ընթերցում
![Շրջափակված Արցախի մանուկների համար Ստեփանակերտի Օղակաձև պուրակում կազմակերպվել է տոնածառի լույսերը վառելու արարողություն](http://armenpress.am/resized/480/static/news/b/2022/12/1100433.jpg)
ՍՏԵՓԱՆԱԿԵՐՏ, 23 ԴԵԿՏԵՄԲԵՐԻ, ԱՐՄԵՆՊՐԵՍ: Շրջափակման մեջ գտնվող արցախցի երեխաներին ամանորյա տրամադրությունից չզրկելու համար դեկտեմբերի 23-ին, Ստեփանակերտի Ստ. Շահումյանի անվան Օղակաձև պուրակում տեղի է ունեցել տոնածառի լույսերը վառելու արարողություն:
«Արմենպրես»-ի թղթակցի հաղորդմամբ՝ Ստեփանակերտի քաղաքապետարանի նախաձեռնությամբ կազմակերպված միջոցառմանը մշակութային ծրագրով են ներկայացել Ստեփանակերտի արվեստի կրթօջախների սաները:
Այնուհետև արցախցի մանուկներին մոտեցող Ամանորի առթիվ շնորհավորել և խաղաղություն են բարեմաղթել Ձմեռ պապը, մուլտֆիլմերի ու հեքիաթների հերոսներ: