Արցախը Հայաստանին կապող Ստեփանակերտ- Գորիս ճանապարհը Ադրբեջանի կողմից շարունակում է արգելափակված մնալ
1 րոպեի ընթերցում
![Արցախը Հայաստանին կապող Ստեփանակերտ- Գորիս ճանապարհը Ադրբեջանի կողմից շարունակում է արգելափակված մնալ](http://armenpress.am/resized/480/static/news/b/2022/12/1099867.jpg)
ԵՐԵՎԱՆ, 16 ԴԵԿՏԵՄԲԵՐԻ, ԱՐՄԵՆՊՐԵՍ: Արցախը Հայաստանին կապող Ստեփանակերտ- Գորիս ճանապարհը ժամը 16։30-ի դրությամբ Ադրբեջանի կողմից շարունակում է արգելափակված մնալ: «Արմենպրես»-ի փոխանցմամբ՝ այս մասին հայտնում են Արցախի Տեղեկատվական շտաբից:
Դեկտեմբերի 12-ի առավոտյան ժամը 10:30-ից մի խումբ ադրբեջանցիներ` բնապահպանական պատճառաբանություններով, փակել են Ստեփանակերտ-Գորիս մայրուղու Շուշի-Քարին տակ հատվածը՝ Լաչինի միջանցքը։ Հարյուրավոր քաղաքացիներ, այդ թվում`անչափահասներ, Լաչինի միջանցքի փակ լինելու պատճառով չեն կարողանում տուն վերադառնալ: Ընդհատված է Շուշիի շրջանի Լիսագոր, Մեծ շեն, Հին շեն և Եղցահող գյուղերի տրանսպորտային կապը մայրաքաղաք Ստեփանակերտի հետ։
Ադրբեջանը դեկտեմբերի 13-ից խափանել էր նաև Արցախի Հանրապետության գազամատակարարումը: Դեկտեմբերի 16-ին գազամատակարարումը վերականգնվել է: