Փակելով միջանցքն՝ Ադրբեջանը նպատակ է հետապնդում վարկաբեկել խաղաղապահ ուժերի դերակատարությունը. Արցախի ԱԺ նախագահ
2 րոպեի ընթերցում
![Փակելով միջանցքն՝ Ադրբեջանը նպատակ է հետապնդում վարկաբեկել խաղաղապահ ուժերի դերակատարությունը. Արցախի ԱԺ նախագահ](http://armenpress.am/resized/480/static/news/b/2022/12/1099408.jpg)
ԵՐԵՎԱՆ, 12 ԴԵԿՏԵՄԲԵՐԻ, ԱՐՄԵՆՊՐԵՍ: Արցախի Հանրապետության Ազգային ժողովի նախագահ Արթուր Թովմասյանը դատապարտել է Ադրբեջանի հերթական սադրիչ գործողությունները՝ նշելով, որ վտանգված է Արցախի Հանրապետության և Արցախի ժողովրդի լիարժեք կյանքի և ապրելու իրավունքը: «Արմենպրես»-ի փոխանցմամբ՝ Արցախի ԱԺ նախագահը դատապարտող իր խոսում շեշտել է.
«Ադրբեջանական կողմը դեկտեմբերի 12-ին ժամը 10:30-ից արդեն 2-րդ անգամ փակել է Արցախը Հայաստանին կապող միակ միջպետական մայրուղին:
Աննախադեպ վտանգված է Արցախի Հանրապետության և Արցախի ժողովրդի լիարժեք կյանքի և ապրելու իրավունքը:
Փակելով միջանցքը՝ Ադրբեջանի ռազմաքաղաքական ղեկավարությունը հետապնդում է մի քանի նպատակ.
փոխել ստատուս քվոն, որը ստեղծվել է 2020 թվականի նոյեմբերի 9-ի եռակողմ հայտարարությունից հետո.
վարկաբեկել ռուս խաղաղապահ ուժերի դերակատարությունը,
ստուգել մեր զգոնությունը, եթե բացակայում է ՝ հայաթափել Արցախը:
Կոչ ենք անում միջազգային հանրության շահագրգիռ կազմակերպություններին՝ խստորեն դատապարտել Ադրբեջանի սադրիչ գործողությունները և ադեկվատ զսպման մեխանիզմներ կիրառել Ադրբեջանի նկատմամբ:
Դիմում ենք ՀՀ իշխանություններին և ժողովրդին, սփյուռքահայությանը, Արցախում ապրող մեր հայրենակիցներին ՝ հանուն Հայաստանի սահմանամերձ շրջանների և Արցախի Հանրապետության պաշտպանության, մի կողմ դնել ներքին տարաձայնությունները, այլապես վաղը ուշ կլինի»:
Քաղաքացիականհագուստներովմիխումբադրբեջանցիներ,կրկինբնապահպանականպատճառաբանությամբ,դեկտեմբերի 12-իառավոտյանժամը10:30-իհատվածումփակելենՍտեփանակերտ-Գորիսմայրուղին:Արցախի ոստիկանությունը հայտնել է, որժամը 14։00-ի դրությամբ Լիսագոր-Շուշի և Ստեփանակերտ-Շուշի ավտոճանապարհին հարյուրավոր քաղաքացիներ մնացել են ճանապարհին: