Ադրբեջանական մարտական դիրքից կրակ է արձակվել Հացի գյուղի դաշտում աշխատող քաղաքացու ուղղությամբ. Արցախի ոստիկանություն
1 րոպեի ընթերցում
![Ադրբեջանական մարտական դիրքից կրակ է արձակվել Հացի գյուղի դաշտում աշխատող քաղաքացու ուղղությամբ. Արցախի ոստիկանություն](http://armenpress.am/resized/480/static/news/b/2022/11/1097619.jpg)
ԵՐԵՎԱՆ, 18 ՆՈՅԵՄԲԵՐԻ, ԱՐՄԵՆՊՐԵՍ: Արցախի Հացի գյուղի 43-ամյա բնակիչ Իգոր Աբրահամյանը նոյեմբերի 18-ին ժամը 12:15-ին ոստիկանության Մարտունու շրջանային բաժին է դիմել ու ասել, որ Հացի գյուղի վարչական տարածքի «Կաղնուն տակ» կոչվող տեղամասում «Բելառուս» մակնիշի տրակտորով գյուղատնտեսական աշխատանքներ իրականացնելիս, հարակից ադրբեջանական մարտական դիրքից հրաձգային զինատեսակներից կրակ է արձակվել իր ուղղությամբ։
Ինչպես «Արմենպրես»-ին հայտնում են Արցախի Հանրապետության Ներքին գործերի ոստիկանության նախարարությունից, հրադադարի ռեժիմի խախտման պատճառով աշխատանքները դադարեցվել է։
Վնասվել է տրակտորի անվաթևը և անվասկավառակը։
Քաղաքացիական անձանց շրջանում տուժածներ չկան։
Ստուգմամբ զբաղվում է Ոստիկանության Մարտունու շրջանային բաժինը։ Նյութեր են նախապատրաստվում ռուսական խաղաղապահ զորակազմին ներկայացնելու համար։