Գալիք տարի շինարարական եռուզեռը մարզերում կսկսվի շատ ավելի վաղ. ՀՀ փոխվարչապետ Մաթևոսյան
1 րոպեի ընթերցում
ԵՐԵՎԱՆ, 31 ՀՈՒԼԻՍԻ, ԱՐՄԵՆՊՐԵՍ: Գալիք տարի շինարարական եռուզեռը մարզերում կսկսվի շատ ավելի վաղ։ «Արմենպրես»-ի հաղորդմամբ՝ այս մասին ՀՀ կառավարության լրատվական ծառայությանը տված հարցազրույցում հայտնել է ՀՀ փոխվարչապետ Համբարձում Մաթևոսյանը՝ անդրադառնալով Հայաստանում ընթացող շինարարական աշխատանքներին։
«Այս տարվանից սուբվենցիոն հայտերը սկսում ենք ընդունել առաջին կիսամյակից հետո։ Փաստացի այս պահին 2023թ.-ի համար հայտերն ընդունվում են, որը մեզ հնարավորություն կտա մրցութային բոլոր կարգերը, համալիր փորձաքննությունները, նախագծման փուլն անցկացնել, և արդեն 2023թ. շինարարական եռուզեռը մարզերում կսկսվի շատ ավելի վաղ»,- նշել է ՀՀ փոխվարչապետը։
