Արցախ

Արցախի նախագահը շնորհավորական ուղերձ է հղել Հարավային Օսիայի Հանրապետության նորընտիր նախագահին

1 րոպեի ընթերցում

Արցախի նախագահը շնորհավորական ուղերձ է հղել Հարավային Օսիայի Հանրապետության նորընտիր նախագահին

ՍՏԵՓԱՆԱԿԵՐՏ, 10 ՄԱՅԻՍԻ, ԱՐՄԵՆՊՐԵՍ: Արցախի Հանրապետության նախագահ Արայիկ Հարությունյանը շնորհավորական ուղերձ է հղել Հարավային Օսիայի Հանրապետության-Ալանիայի պետության նորընտիր նախագահ Ալան Գագլոևին:

Ինչպես «Արմենպրես»-ին տեղեկացրին Արցախի Հանրապետության նախագահի աշխատակազմից, ուղերձում ասված է.

«Մեծարգո՛ Ալան Էդուարդի,

Արցախի Հանրապետության ժողովրդի, իշխանությունների և անձամբ իմ անունից ի սրտե շնորհավորում եմ Ձեզ ընտրություններում տարած հաղթանակի և Հարավային Օսիայի Հանրապետության-Ալանիայի պետության նախագահ ընտրվելու կապակցությամբ:

Համոզված եմ, որ Ձեր գիտելիքները, անձնական որակները և պետական գործչի հմտությունները կնպաստեն եղբայրական Հարավային Օսիայի շարունակական զարգացմանը և անկախ պետականության ամրապնդմանը։

Հուսով եմ՝ Ձեր նախագահության օրոք կշարունակեն ընդլայնվել ու ամրապնդվել մեր երկրների միջև ձևավորված ավանդական բարեկամական հարաբերությունները և համագործակցությունը՝ ի շահ մեր ժողովուրդների։

Մեկ անգամ ևս շնորհավորում եմ Ձեզ, հարգելի Ալան Էդուարդի, այս բարձր և պատասխանատու պաշտոնում ընտրվելու կապակցությամբ։ Մաղթում եմ Ձեզ հաջողություն Ձեր բոլոր ձեռնարկներում, իսկ Հարավային Օսիայի ժողովրդին՝ խաղաղություն և բարգավաճում»։

Կարդացեք հոդվածը` EnglishРусский
AREMNPRESS

Հայաստան, Երևան, 0001, Աբովյան 9

+374 10 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2026 ARMENPRESS

Ստեղծվել է՝ MATEMAT-ում