Նախագահը դեսպան է նշանակել Ղազախստանում, Անդորրայում, Իռլանդիայում և Մալթայում
1 րոպեի ընթերցում
![Նախագահը դեսպան է նշանակել Ղազախստանում, Անդորրայում, Իռլանդիայում և Մալթայում](http://armenpress.am/resized/480/static/news/b/2022/04/1080204.jpg)
ԵՐԵՎԱՆ, 8 ԱՊՐԻԼԻ, ԱՐՄԵՆՊՐԵՍ: ՀՀ նախագահ Վահագն Խաչատուրյանը 4 երկրներում դեսպան նշանակելու մասին հրամանագրեր է ստորագրել: Այս մասին «Արմենպրես»-ը տեղեկացավ ՀՀ նախագահի կայքէջից:
Ղազախստանում ՀՀ դեսպան է նշանակվել Արմեն Ղեւոնդյանը (նստավայրը՝ Նուր-Սուլթան): Իսպանիայի Թագավորությունում Հայաստանի Հանրապետության արտակարգ և լիազոր դեսպան Սոս Ավետիսյանը, համատեղության կարգով, դեսպան է նշանակվել նաեւ Անդորրայի Իշխանապետությունում (նստավայրը՝ Մադրիդ):
Մեծ Բրիտանիայի և Հյուսիսային Իռլանդիայի Միացյալ Թագավորությունում դեսպան Վարուժան Ներսիսյանը, համատեղության կարգով, նշանակվել է դեսպան նաեւ Իռլանդիայում (նստավայրը՝ Լոնդոն): Իսկ Իտալիայում Հայաստանի արտակարգ և լիազոր դեսպան Ծովինար Համբարձումյանը, համատեղության կարգով,դեսպան է նշանակվել նաեւ Մալթայում (նստավայրը՝ Հռոմ)։