1 րոպեի ընթերցում
ԵՐԵՎԱՆ, 11 ԱՊՐԻԼԻ, ԱՐՄԵՆՊՐԵՍ: Հայաստանի ֆուտբոլի ազգային թիմի նախկին դարպասապահ Ռոման Բերեզովսկին այժմ ընտրանու դարպասապահների մարզիչն է:
«Արմենպրես»-ի Podcast-Sport-ի հյուրը հենց Ռոման Բերեզովսկին է, ում հետ խոսել ենք հավաքականի գրանցած արդյունքներից, ընտրանու ներկայից և ապագայից:
«Նորվեգիայի դեմ խաղում (խմբ. Հայաստանի ազգային հավաքականը պարտվել է 0-9 հաշվով), եթե խոսենք սխալների մասին, ապա մեղքը մարզչական շտաբինն է: Հնարավոր է, որ մի քանի սխալներ են եղել, որոնք էլ ազդել են ընդհանուր արդյունքի վրա»,-ասաց Բերեզովսկին:
Վերջինս շեշտեց՝ հնարավոր է վերջին անհաջողությունները կապված են ոչ ճիշտ ռոտացիայի հետ: Նա հավելեց, որ անհաջող հանդիպումներից պետք է դասեր քաղել և առավել լուրջ մոտենալ Ազգերի լիգայի խաղարկության շրջանակներում կայանալիք խաղերին:
Բերեզովսկին անդրադարձել է նաև Հայաստանի ազգային հավաքականի գլխավոր մարզիչ Խոակին Կապառոսի աշխատանքին: Հայկական ֆուտբոլի լեգենդի խոսքով` իսպանացի մասնագետի համար առավել կարևոր է թիմային խաղը: