ԵՐԵՎԱՆ, 19 ՄԱՐՏԻ, ԱՐՄԵՆՊՐԵՍ: Հայաստանում Ռուսական տարածաշրջանային ակադեմիան և ՀՀ վարչապետի աշխատակազմի կրթամշակութային կենտրոնը կազմակերպել են աշխատանքային հմտությունների և ունակություների վերաբերյալ դասընթաց: «Արմենպրես»-ի հետ զրույցում վարչապետի աշխատակազմի ազգային փոքրամասնությունների կրթամշակութային կենտրոնի ղեկավար Ավագ Հակոբյանն ասաց, որ դասընթացի նպատակը ոչ միայն գիտելիքների փոխանցումն է, այլև՝ ունակությունների ձևավորումը:
«Դասընթացն օգտակար կլինի մասնակիցների համար և՛ բիզնեսի, և՛ կառավարչական ոլորտներում»,-ասաց նա:
Հակոբյանի խոսքով՝ դասընթացին մասնակցում են Հայաստանի ազգային փոքրամասնությունների 11 համայնքներից մոտ 35 ներկայացուցիչ:
Կառավարչական որոշումների ժամանակակից մեխանիզմների մասին դասընթացը վարում է Հայաստանում ռուսական տարածաշրջանային ակադեմիայի ռեկտոր Մհեր Շահգելդյանը, իսկ մենեջերի ստրատեգիական մտածելակերպի հիմունքների մասին խոսում է Ռուսական տարածաշրջանային ակադեմիայի պրոռեկտոր Սերգեյ Խատունովը:
Մեկօրյա սեմինարի վերջում մասնակիցներին կտրամադրվեն սերտիֆիկատներ: