ԱՄՆ կոնգրեսական պատվիրակությունը Վայոց ձորում դիտարկել է իրավիճակը Հայաստան-Ադրբեջան սահմանին
1 րոպեի ընթերցում
![ԱՄՆ կոնգրեսական պատվիրակությունը Վայոց ձորում դիտարկել է իրավիճակը Հայաստան-Ադրբեջան սահմանին](http://armenpress.am/resized/480/storage/images/articles/2024/07/04/Mbvxl3aOoLWt5Hp1dU4cK5cdiEoe3pP5W9Er3V38.webp)
ԵՐԵՎԱՆ, 4 ՀՈՒԼԻՍԻ, ԱՐՄԵՆՊՐԵՍ: Հայաստան կատարած այցի ժամանակ ԱՄՆ կոնգրեսական պատվիրակությունը՝ կազմված ԱՄՆ Հելսինկյան հանձնաժողովի, Սենատի Արտաքին հարաբերությունների հանձնաժողովի և Սենատի Զինված ծառայությունների հանձնաժողովի ներկայացուցիչներից, այցելել է Վայոց ձոր, որտեղ հանդիպել է Եվրամիության քաղաքացիական առաքելության ներկայացուցիչներին և դիտարկել իրավիճակը Ադրբեջանի հետ սահմանին։ «Արմենպրես»-ի հաղորդմամբ՝ այս մասին տեղեկացնում է Հայաստանում Միացյալ Նահանգների դեսպանության «Ֆեյսբուք»-ի էջը։