Արցախի նախագահն ընդունել է ՀՀ նորընտիր ՄԻՊ-ին
1 րոպեի ընթերցում
![Արցախի նախագահն ընդունել է ՀՀ նորընտիր ՄԻՊ-ին](http://armenpress.am/resized/480/static/news/b/2022/03/1077105.jpg)
ԵՐԵՎԱՆ, 4 ՄԱՐՏԻ, ԱՐՄԵՆՊՐԵՍ: Արցախի Հանրապետության նախագահ Արայիկ Հարությունյանը մարտի 4-ին ընդունել է Հայաստանի Հանրապետության մարդու իրավունքների նորընտիր պաշտպան Քրիստիննե Գրիգորյանին:
Ինչպես «Արմենպրես»-ին հայտնում են նախագահի աշխատակազմից, Արայիկ Հարությունյանը շնորհավորել է Քրիստիննե Գրիգորյանին այդ պատասխանատու պաշտոնում ընտրվելու կապակցությամբ՝ մաղթելով նրան արդյունավետ աշխատանք:
Զրուցակիցները քննարկվել են մարդու իրավունքների պաշտպանության ոլորտում Հայաստանի և Արցախի համապատասխան կառույցների փոխհամագործակցությանը վերաբերող հարցեր:
Հանդիպմանը մասնակցել է նաև Արցախի մարդու իրավունքների պաշտպան Գեղամ Ստեփանյանը: