Ադրբեջանն Արցախում ԱԹՍ-ներ է կիրառել ՊԲ մարտական դիրքերի ուղղությամբ
1 րոպեի ընթերցում
![Ադրբեջանն Արցախում ԱԹՍ-ներ է կիրառել ՊԲ մարտական դիրքերի ուղղությամբ](http://armenpress.am/resized/480/static/news/b/2021/08/1060426.jpg)
ՍՏԵՓԱՆԱԿԵՐՏ, 11 ՕԳՈՍՏՈՍԻ, ԱՐՄԵՆՊՐԵՍ: Օգոստոսի 11-ին՝ ժամը 08:29-ի և 08:58-ի սահմաններում հակառակորդը հարվածային անօդաչու թռչող սարքեր է կիրառել Պաշտպանության Բանակի մարտական դիրքերի ուղղությամբ: «Արմենպրես»-ին այս մասին հայտնեցին Արցախի Հանրապետության պաշտպանության բանակի մամուլի ծառայությունից:
Հայկական կողմը կորուստներ չի ունեցել:
Միջադեպի առնչությամբ համապատասխան տեղեկատվություն և փաստեր են տրամադրվել ռուսական խաղաղապահ զորակազմի հրամանատարությանը: