3 րոպեի ընթերցում
ԵՐԵՎԱՆ, 16 ՀՈՒԼԻՍԻ, ԱՐՄԵՆՊՐԵՍ: Հայաստանի օլիմպիական հավաքականի ամենակրտսեր անդամը 18-ամյա լողորդ է: «Արմենպրես»-ի հեղինակային«Երազանքի ճանապարհը`Տոկիո-2020»նախագծի հերոսը նա է՝ Վարսենիկ Մանուչարյանը: Վարսենիկն իր ուժերը կփորձի 100 մետր ազատ ոճում: Նա Օլիմպիական խաղերին մասնակցում է «Սպիտակ քարտ»-ով:
-Վարսենիկ, ինչպե՞ս եք սկսել հետաքրքրվել լողով:
-Անկեղծ ասած, որոշումն իմս չի եղել: Տատիկս որոշել է ու ինձ տարել լողի: Բայց ի սկզբանե հետաքրքրված էի թենիսով, սակայն այդ ժամանակ իմ տարիքային խմբում ազատ տեղ չի եղել: Եկել եմ լողի, ու իմ առաջին մարզիչը Այծեմնիկ Մինասյանն է եղել: Արագ եմ սկսել լողալ սովորել. սկսելուց մի քանի ամիս անց արդեն լողում էի: Երբ տատիկս և մայրիկս տեսան, որ լողում եմ, որոշեցին, որ կշարունակեմ այս մարզաձևում:
-Դուք ընդամենը 18տարեկան եք և մասնակցելու եք Օլիմպիական խաղերին: Ի՞նչ եք ակնկալում:
-Այս Օլիմպիական խաղերն ինձ համար ահռելի փորձ են լինելու: Գիտակցում եմ, որ առավել ուժեղ և լուրջ լողորդների հետ եմ մրցելու: Հույս ունեմ, որ այս Խաղերի փորձն ինձ կօգնի հաջորդ` Փարիզի Օլիմպիական խաղերին առավել լավ հանդես գալ:
-Ի՞նչ հետաքրքրություններ ունեք լողից բացի:
-Տարօրինակ կհնչի, բայց սիրում եմ ըմբշամարտն ու ծանրամարտը: Միշտ հետևում եմ մեր մարզիկների ելույթներին միջազգային մրցաշարերում: Ինքս երկար տարիներ զբաղվել եմ նաև վոլեյբոլով: Հիմա սովորում եմ Օլիմպիական հերթափոխի մարզական քոլեջում: Այն կարծիքին եմ, որ մարզիկների համար կարևոր է նաև կրթությունը:
-Հիմա այդ նույն մարզիկների հետ նույն հավաքականում եք լինելու:
-Այո, այո: Դրա համար շատ ուրախ եմ, քանի որ մեծ հիացմունք ունեմ Արթուր Ալեքսանյանի նկատմամբ: Նա իմ ամենասիրելի մարզիկն է: Լոնդոնի Օլիմպիական խաղերում, երբ 3-րդն էր, իր համար շատ էի տխրել: Վստահ էի, որ Ռիոյի խաղերում կհաղթի:
-Բնութագրեք խնդրեմ Օլիմպիական խաղերը մեկ բառով:
-Երազանք:
-Միքանիբլիցհարցեր.լե՞ռ,թե՞ծով:
-Ծով:
-Թո՞մը,թե՞Ջերին:
-Թոմը:
-Նարդի՞,թե՞շախմատ:
-Նարդի:
- Տոլմա՞,թե՞խորոված:
-Խորոված:
-Պիցցա՞,թե՞պաղպաղակ:
-Պաղպաղակ:
-Գի՞րք,թե՞ֆիլմ:
-Ֆիլմ:
-Սո՞ւրճ,թե՞թեյ:
-Սուրճ:
-Բատերֆլա՞յ, թե՞ թիկնալող:
-Բատերֆլայ:
- Շնորհակալեմզրույցիհամար,հուսովեմ՝արդենմեդալներովզրույցկունենանքՏոկիոյում:
Նախագծիհեղինակ՝ՎարվառաՀայրապետյան
Լուսանկարները՝ՀայկՄանուկյանի
ՏոկիոյիՕլիմպիականխաղերիմեկնարկինմնացելէ7օր։
