1 րոպեի ընթերցում
ՍՏԵՓԱՆԱԿԵՐՏ, 2 ՀՈՒԼԻՍԻ, ԱՐՄԵՆՊՐԵՍ: Արցախի ՆԳՆ Արտակարգ իրավիճակների պետական ծառայության սակրավորները, «Հումանիտար ականազերծման կենտրոն» հիմնադրամը և «The Halo trust» կազմակերպությունը հուլիսի 2-ին պայթեցման աշխատանքներ են իրականացնելու Ասկերանի, Մարտունու և Մարտակերտի շրջաններում:
«Արմենպրես»-ի հաղորդմամբ՝ այս մասին հայտնում են Արցախի ՆԳՆ Արտակարգ իրավիճակների պետական ծառայությունից: «Սակրավորները շարունակում են Արցախի տարածքը մաքրել չպայթած և կյանքի համար վտանգ ներկայացնող ռազմամթերքից: Բոլոր շրջաններում իրականացվող ինժեներահետախուզական աշխատանքներից բացի, որպես կանոն, հայտնաբերված պայթուցիկ առարկաները վնասազերծվում են տեղում»,- նշում են ԱԻՊԾ-ից և հավելում, որ պայթյուններ հնարավոր է նաև Ստեփանակերտի մերձակայքում: