Գործարկվելու է Բերդ համայնքի շչակը

ԵՐԵՎԱՆ, 4 ՄԱՅԻՍԻ, ԱՐՄԵՆՊՐԵՍ: Տավուշի մարզային փրկարարական վարչությունը մայիսի 5-ին՝ ժամը 14:00-ին, Բերդ համայնքում անցկացնելու է «Բնակչության ազդարարում, տարահանում, պատսպարում» թեմայով վարժանք։ Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, գործարկվելու է համայնքի շչակը, բնակիչներին խորհուրդ է տրվում չանհանգստանալ: