Հայ հիմնադիրներ ունեցող ServiceTitan-ը 500 միլիոն դոլար ներդրումից հետո գնահատվում է 8.3 միլիարդ դոլար

2 րոպեի ընթերցում

ԵՐԵՎԱՆ, 29 ՄԱՐՏԻ, ԱՐՄԵՆՊՐԵՍ: Հայ հիմնադիրներ ունեցող ServiceTitan մարտի 26-ին հայտարարեց նոր՝ Series F ներդրումային փուլում 500 միլիոն ներգրավելու մասին։ Ներդրումային այս փուլը գլխավորում են Tiger Global Management-ն ու Sequoia Capital Global Equities-ը՝ H.I.G. Growth Partners-ի մասնակցությամբ։

ServiceTitan-ը ծրագրային լուծում է տրամադրում կենցաղային սպասարկման ծառայություններ իրականացնող ընկերություններին։

Այսինքն՝ կենցաղային ցանկացած խնդրի դեպքում` օրինակ, ջրամատակարարման կամ ջրահեռացման, էլեկտրականության սպասարկման և վերանորոգման, ավտոտնակների դռների և բարձր լարման օդորակիչների սպասարկման հետ կապված, ԱՄՆ-ում մարդիկ դիմում են հատուկ ընկերությունների, որոնք ուղարկում են համապատասխան մասնագետների՝ խնդիրը լուծելու համար։

ServiceTitan-ը նոր ծրագիր է տրամադրում նմանատիպ ընկերություններին, որպեսզի որակյալ ծառայություն մատուցեն իրենց հաճախորդներին և հեշտությամբ կառավարեն իրենց բիզնեսը։

Ընկերությունն ունի ավելի քան 7.500 հաճախորդ ընկերություն, որոնց տարեկան եկամուտները միասին կազմում են մոտ 20 միլիարդ դոլար։

ServiceTitan-ը հիմնադրվել է 2013 թվականին՝ Վահե Կուզոյանի և Արա Մահդեսյանի կողմից։ Հայաստանում գրասենյակը բացվել է 2018 թվականին։ Այդ ժամանակ ընկերությունը գնահատվում էր 1.65 միլիարդ դոլար, իսկ հիմա, նոր ներդրումից հետո, այն գնահատվում է 8.3 միլիարդ դոլար։

Ընկերությունն այս պահին ունի ավելի քան 1.200 աշխատակից. Հայաստանում աշխատակիցների թիվը հասնում է 150-ի։ Թիմը Հայաստանում շարունակաբար ընդլայնվում է ու բացվում են նոր բաժիններ՝ նոր մասնագիտացումներով։

Ստացված ներդրումն ուղղված է լինելու ընկերության շարունակական աճն ապահովելուն, պրոդուկտը բարելավելուն և թիմում լավագույն մասնագետներին ներգրավելուն։ Իսկ ընկերության հաջողության մասն է շարունակելու կազմել հայաստանյան գրասենյակը, որը շատ ակտիվ ընդլայնվում է ու աշխատանքային նոր մշակույթ ստեղծում Հայաստանում։

Հայերեն Русский

Ազովի ծովի ափից հեռացվել են 1,2 տոննա մազութի բեկորներ և ջրիմուռներ

Վաղարշապատում 49-ամյա տղամարդը ձերբակալվել է ապօրինի ձեռնարկատիրական գործունեության համար

Պետությունը ոչ մեկի գրպանը չի մտնում. Փաշինյանը ներկայացրեց հայտարարագրման նպատակը

Գուտերեշը մտահոգություն է հայտնել Իրանի միջուկային ծրագրի հետ կապված իրադրության սրման առնչությամբ

Համընդհանուր հայտարարագրման համակարգի ներդրումը բյուջեում լրացուցիչ եկամուտներ չի նախատեսում. վարչապետ

Կուրիս գյուղի Սբ Սարգիս եկեղեցին կտեղափոխվի և կվերականգնվի․ կնքվել է հուշագիր

ՀՀ ԿԲ. թանկարժեք մետաղների գներ և փոխարժեքներ - 22/01/25

Ասիական ինդեքսներ - 22/01/25

Իսրայելը քրեական պատասխանատվություն է սահմանում 2023 թ. հոկտեմբերի 7-ի ահաբեկչությունները ժխտելու համար

Ինչ փոփոխություններ է առաջարկվում «Տեսալսողական մեդիայի մասին» օրենքում. Աժ-ն առաջին ընթերցմամբ ընդունել է ներկայացված նախագիծը