1 րոպեի ընթերցում
ՍՏԵՓԱՆԱԿԵՐՏ, 22 ՓԵՏՐՎԱՐԻ, ԱՐՄԵՆՊՐԵՍ: Ադրբեջանական կողմն առանց մեկնաբանության փետրվարի 22-ին ևս արգելել է փրկարարներին որոնողական աշխատանքներ իրականացնել Արցախի վերահսկողությունից դուրս գտնվող բնակավայրերում: Այս մասին «Արմենպրես»-ին տեղեկացրին Արցախի ներքին գործերի նախարարության արտակարգ իրավիճակների պետական ծառայությունից:
«Որոնողական աշխատանքներն անորոշ ժամանակով դադարեցվել և չեն իրականացվում փետրվարի 15-ից: Սա զինադադարից հետո առաջին դեպքն է, երբ որոնումները դադարեցվում են այսքան երկար ժամանակով»,-հայտնում են ծառայությունից՝ նշելով, որ առայսօր հայտնաբերվել են ընդհանուր առմամբ 1485 զինվորական ու քաղաքացիական անձանց աճյուններ: