Նիկոլ Փաշինյանը մանրամասներ է հայտնել երկրաշարժի հետևանքների մասին

ԵՐԵՎԱՆ, 13 ՓԵՏՐՎԱՐԻ, ԱՐՄԵՆՊՐԵՍ: ՀՀ վարչապետ Նիկոլ Փաշինյանը Հայաստանում տեղի ունեցած երկրաշարժի վերաբերյալ որոշ մանրամասներ է հայտնել:

«Արմենպրես»-ի հաղորդմամբ՝ Փաշինյանը գրառում է կատարում «Ֆեյսբուք»-ի իր էջում:

«Նախնական տվյալներով՝ ավերածություններ չունենք: Երեւանի Էրեբունի վարչական շրջանում մեկ տուն է վնասվել, մեկ քաղաքացի թեթեւ վնասվածք է ստացել: Երկրաշարժի էպիկենտրոնը նախնական տվյալներով Արմավիրի մարզի Փարաքար գյուղի մոտակայքում է եղել»,- նշել է ՀՀ վարչապետը:

ՀՀ արտակարգ իրավիճակների նախարարության սեյսմիկ պաշտպանության տարածքային ծառայության սեյսմոլոգիական ցանցի կողմից փետրվարի 13-ին տեղական ժամանակով ժամը 15:29-ին երկրաշարժ է գրանցվել Հայաստանում` Երևան քաղաքից 8 կմ հարավ-արևելք, օջախի 10 կմ խորությամբ, 4.7 մագնիտուդով երկրաշարժ: Էպիկենտրոնային գոտում ստորգետնյա ցնցման ուժգնությունը կազմել է 6-7 բալ: