Սևանա լճի մակարդակը նախորդ տարվա համեմատ բարձրացել է 12սմ-ով

ԵՐԵՎԱՆ, 8 ՓԵՏՐՎԱՐԻ, ԱՐՄԵՆՊՐԵՍ: Սևանա լճի մակարդակը նախորդ տարվա նույն ժամանակահատվածի համեմատ բարձրացել է 12սմ-ով: «Արմենպրես»-ի փոխանցմամբ` այս մասին հայտնում է Հիդրոօդերևութաբանական և մոնիթորինգի կենտրոնը:

«Սևանա լճի մակարդակը փետրվարի 1-7-ն ընկած ժամանակահատվածում բարձրացել է 1սմ-ով և կազմել` 1900.53մ (07.02.2021թ.), որն անցյալ տարվա նույն օրվա մակարդակից բարձր է 12սմ-ով, իսկ հունվարի 1-ի մակարդակից՝ 1սմ-ով»,- ասված է հաղորդագրությունում:

Արփա-Սևան ջրատարով փետրվարի 1-7-ն ընկած ժամանակահատվածում` Սևանա լիճ տեղափոխված ջրի քանակը կազմել է 2.392մլն խմ, իսկ հունվարի 1-ից փետրվարի 7-ը ներառյալ՝ 13.177մլն խմ: