ԱՀ ՊԲ-ին է փոխանցվել Հին Թաղեր-Խծաբերդ հատվածի դիրքերի մոտ հայտնաբերված 9 զինծառայողի մարմին
1 րոպեի ընթերցում
![ԱՀ ՊԲ-ին է փոխանցվել Հին Թաղեր-Խծաբերդ հատվածի դիրքերի մոտ հայտնաբերված 9 զինծառայողի մարմին](http://armenpress.am/resized/480/static/news/b/2020/12/1038175.jpg)
ՍՏԵՓԱՆԱԿԵՐՏ, 17 ԴԵԿՏԵՄԲԵՐԻ, ԱՐՄԵՆՊՐԵՍ: Արցախի Հանրապետությունում տեղակայված ռուսական խաղաղապահ զորախմբի կողմից դեկտեմբերի 16-ին ԱՀ ՊԲ-ին է փոխանցվել, նախնական տեղեկություններով, Հին Թաղեր-Խծաբերդ ուղղությամբ տեղակայված հայկական մարտական դիրքերի մերձակա տարածքում հայտնաբերված 9 հայ զինծառայողի մարմին, որոնց զոհվելու հանգամանքները դեռևս անհայտ են։
Ինչպես «Արմենպրես»-ին տեղեկացրին Արցախի Հանրապետության պաշտպանության նախարարության մամուլի ծառայությունից, ներկա պահին իրականացվում են անհրաժեշտ գործողություններ՝ զինծառայողների զոհվելու հանգամանքներն ու նրանց ինքնությունը պարզելու ուղղությամբ։