1 րոպեի ընթերցում
ԵՐԵՎԱՆ, 24 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի ազգային թիմի ավագ Հենրիխ Մխիթարյանը ճանաչվել է Իտալիայի առաջնության 8-րդ տուրի «Ռոմա»- «Պարմա» խաղի լավագույն ֆուտբոլիստ:
«Արմենպրես»-ի հաղորդմամբ`«Ռոմայի»«Թվիթերում» անցկացված քվեարկության արդյունքում Մխիթարյանը ճանաչվել է լավագույնը:
Իտալիայի ֆուտբոլի առաջնության 8-րդ տուրի շրջանակում «Ռոման» հյուրընկալել էր «Պարմային»:«Գայլերին» հաջողվեց հանդիպման հաշիվը բացել28-րդ րոպեին, երբ աչքի ընկավ Մայորալը: Այնուհետև իր տպավորիչ խաղում դուբլի հեղինակ դարձավ Հայաստանի ֆուտբոլի ազգային թիմի ավագ Հենրիխ Մխիթարյանը: Վերջինս երկու դիպուկ հարված կատարեց 32-րդ և 40-րդ րոպեներին: Մխիթարյանը 6 գոլի հեղինակ է դառնում իտալական ակումբի վերջին 3 խաղում անընդմեջ:
