367.38
Մանե Գևորգյանը տեսանյութ է հրապարակել նոյեմբերի 10-ին մի խումբ անձանց՝ կառավարության շենք ներխուժելու վերաբերյալ
1 րոպեի ընթերցում
ԵՐԵՎԱՆ, 17 ՆՈՅԵՄԲԵՐԻ, ԱՐՄԵՆՊՐԵՍ: Վարչապետի մամուլի խոսնակ Մանե Գևորգյանը տեսանյութ է հրապարակել նոյեմբերի 10-ին տեղի ունեցած իրադարձությունների վերաբերյալ, երբ մի խումբ անձինք ներխուժել էին կառավարության շենք ու վնասել գույքը: «Արմենպրես»-ի փոխանցմամբ՝ հրապարակված տեսանյութին կից Մանե Գևորգյանը կատարել է հետևյալ գրառումը.
«Կառավարության շենքի վրա հարձակում գործած «հայրենասերները», ովքեր, մտահոգված լինելով Լեռնային Ղարաբաղի ճակատագրով, առաջնագծի փոխարեն գտնվում էին իրենց սեփականատերերի համար իշխանությունը զավթելու առաջնագծում:
Տեսանյութի «հերոսներից» մի մասին արդեն իսկ մեղադրանք է առաջադրվել, նրանց շրջանում կան ձերբակալվածներ եւ կալանավորվածներ»։
Նոյեմբերի 10-ին ԼՂ-ում պատերազմի դադարեցման մասին հայտարարությունից դժգոհող քաղաքացիները հավաքվել էին կառավարության շենքի մոտ՝ իրենց բողոքն արտահայտելու համար: Այդ ընթացքում մի խումբ անձինէ ներխուժել էին կառավարության շենք, վնասել գույքը:
Բաժանորդագրվեք մեր ալիքին Telegram-ում