398.88
Վահրամ Պողոսյանը Քաշաթաղի և Շահումյանի շրջանների բնակիչներին խնդրել է չշտապել և չհանել գույքը իրենց տներից
1 րոպեի ընթերցում
ԵՐԵՎԱՆ, 11 ՆՈՅԵՄԲԵՐԻ, ԱՐՄԵՆՊՐԵՍ: Արցախի նախագահի մամուլի քարտուղար Վահրամ Պողոսյանը Արցախի Քաշաթաղի և Շահումյանի շրջանների բնակիչներին խնդրել է ավելորդ շտապողականություն չցուցաբերել և չհանել սեփական գույքը իրենց տներից: Ինչպես տեղեկացնում է «Արմենպրես»-ը, Պողոսյանն այս մասին գրել է «Ֆեյսբուք»-ի իր էջում:
«Տարածքային զիջումների և այդ համատեքստում հայտարարված ժամկետների մասին հարցերը Արցախի իշխանությունների հետ դեռևս չեն քննարկվել: Երբ կծավալվեն այդ քննարկումները և կլինեն համապատասխան հստակեցումներ, Արցախի Հանրապետության կառավարությունը հանդես կգա համապատասխան հայտարարությամբ»,- գրել է Պողոսյանը:
Բաժանորդագրվեք մեր ալիքին Telegram-ում