397.35
Սեյրան Օհանյանից ստացած հերթական դասը շատ ցավոտ է եղել ադրբեջանցիների համար. Վահրամ Պողոսյան
1 րոպեի ընթերցում
ՍՏԵՓԱՆԱԿԵՐՏ, 7 ՆՈՅԵՄԲԵՐԻ, ԱՐՄԵՆՊՐԵՍ։ Արցախի Հանրապետության նախագահի մամուլի քարտուղար Վահրամ Պողոսյանը հերքում է գեներալ-գնդապետ Սեյրան Օհանյանի վիրավորվելու մասին ադրբեջանական հերթական կեղծ լուրերը: «Ադրբեջանական քարոզչամեքենան այս անգամ հերթական կեղծիքն է տարածում գեներալ-գնդապետ Սեյրան Օհանյանի մասին, թե իբր վերջինս վիրավորվել է: Իհարկե, թշնամին խորը պատճառներ ունի դրա մասին աղաղակելու, քանի որ գեներալ Օհանյանից ստացած հերթական դասը շատ ցավոտ է եղել, ու, համոզված եմ, դեռ էլի կստանա, որովհետև նա ողջ և առողջ է ու լիարժեք կատարում է իրեն վստահված պարտականությունները»,-«Արմենպրես»-ի հաղորդմամբ՝ նշում է Պողոսյանը:
Արցախի Հանրապետության նախագահ Արայիկ Հարությունյանն օրերս հրապարակել էր լուսանկար Շուշիում անցկացվող հանդիպումից, որին ներկա էր նաև Սեյրան Օհանյանը:
Բաժանորդագրվեք մեր ալիքին Telegram-ում