368.26
Շուշիի շրջակայքում հակառակորդի դիվերսիոն խմբերի ոչնչացման օպերացիան շարունակվում է
1 րոպեի ընթերցում
ԵՐԵՎԱՆ, 5 ՆՈՅԵՄԲԵՐԻ, ԱՐՄԵՆՊՐԵՍ: Շուշիի շրջակայքում հակառակորդի դիվերսիոն խմբերի ոչնչացման օպերացիան շարունակվում է և շարունակվելու է: Ինչպես տեղեկացնում է«Արմենպրես»-ը, այս մասին ասաց ՊՆ ներկայացուցիչ Արծրուն Հովհաննիսյանն ասուլիսի ժամանակ:
«Այո, որոշ տեղերում մարտերը շարունակվում են և շարունակվելու են, բայց իրավիճակն օրհասական չէ։ Կան տեխնիկական, լոգիստիկ դժվարություններ, բայց թշնամու ոչնչացման օպերացիան Շուշիի շրջակայքում շարունակվելու է»,- նշեց Հովհաննիսյանը:
ՊՆ ներկայացուցչի խոսքով`Լեռնային Ղարաբաղում շարունակվող պատերազմի ռազմաճակատում գրեթե բոլոր ուղղություններով հակառակորդը փոքր խմբերով և զրահատեխնիկայով հրետանու կրակի աջակցությամբ փորձել է նորից առաջ գալ, սակայն հետ է շպրտվել՝ կրելով կորուստներ:
«Օրվա ընթացքում հյուսիսում, կենտրոնական, հարավային ուղղությամբ, Կարմիր Շուկայի հատվածում թշնամին փոքր խմբերով հրետանու աջակցությամբ, փոքրաքանակ զրահատեխնիկայով փորձել է առաջանալ՝ ձախողվելով և կրելով կորուստներ»,- նշեց Հովհաննիսյանը:
Բաժանորդագրվեք մեր ալիքին Telegram-ում