1 րոպեի ընթերցում
ՍՏԵՓԱՆԱԿԵՐՏ, 28 ՀՈԿՏԵՄԲԵՐԻ, ԱՐՄԵՆՊՐԵՍ: Արցախի մայրաքաղաք Ստեփանակերտի, ինչպես նաև Շուշիի ուղղությամբ ադրբեջանական կողմը հարվածներ է հասցրել:
«Արմենպրես»-ի հետ զրույցում՝ Արցախի արտակարգ իրավիճակների պետական ծառայությունից հայտնեցին, որ դեռ ճշտում են, թե ինչ զինատեսակներից են եղել հարվածները:
«Այս պահին օդային տագնապ է միացել: Ստեփանակերտին ոչինչ չի պատահել, հարվածը հասել է հարակից բլուրներից մեկին: Մեկ այլ հարված էլ եղել է Շուշի քաղաքում, սակայն հասցված վնասները դեռ ճշտվում են»,- նշեցին ԱԻՊԾ-ից:
ԼՐԱՑՈՒՄ - Ծառայությունը տեղեկացնում է, որ «Սմերչ» համազարկային կրակի ռեակտիվ համակարգով Շուշիի հրետակոծումից խաղաղ բնակչության շրջանում կա մեկ զոհ և երկու վիրավոր։
ԼՐԱՑՈՒՄ - Ստեփանակերտին ևս հարվածել են Սմերչից։