ԱՄՆ ավելի քան 100 կոնգրեսականներ բարձրաձայնում են Արցախի և ՀՀ-ի դեմ հարձակումների մասին
2 րոպեի ընթերցում
ԵՐԵՎԱՆ, 15 ՀՈԿՏԵՄԲԵՐԻ, ԱՐՄԵՆՊՐԵՍ: ԱՄՆ Սենատի և Ներկայացուցիչների պալատի ավելի քան 100 անդամներ պահանջել են Լեռնային Ղարաբաղում դադարեցնել ագրեսիան` կոչ անելով պատժել Էրդողանի և Ալիևի ռեժիմներին՝ պատերազմական հանցագործությունների համար:
«Արմենպրես»-ի հաղորդմամբ՝ այս մասին տեղեկացնում է ԱՄՆ Հայ դատի հանձնախումբը (ANCA):
ԱՄՆ-ի կոնկրետ գործողությունների պահանջով ավելի քան 750 հազար նամակ է ուղարկվել է Սպիտակ տուն, Պետդեպարտամենտի և Կոնգրեսի գրասենյակներ: ANCA-ն օրենսդիրներին ուղղված կոչեր է անում՝ դատապարտման հայտարարությունները դարձնելու կոնկրետ օրենսդրական գործողություններ և պատժամիջոցներ կիրառելու Թուրքիայի և Ադրբեջանի ղեկավարների նկատմամբ, որոնք շարունակում են իրենց հարձակումները:
Կոնգրեսականների ջանքերը ներառում են հայտարարությունները, որոնք ԱՄՆ ֆինանսների նախարարությանը հորդորում են Ալիևի և Էրդողանի ռեժիմների նկատմամբ կիրատել Գլոբալ Մացնիցկու ակտով նախատեսված պատժամիջոցները, կոնգրեսականների նամակները, որոնցով նրանք պահանջում են դադարեցնել ԱՄՆ ռազմական օգնությունը Ադրբեջանին, աջակցությունը Թուրքիայի և Ադրբեջանի ագրեսիան դատապարտող բանաձևին (1165 բանաձև):
«Հաջորդ հնարավորության դեպքում Ներկայացուցիչների պալատը պետք է ընդունի 1165 բանաձևը ՝ հզոր հաղորդագրություն ուղարկելով ոչ միայն Անկարային և Բաքվին, այլ նաև Սպիտակ տանն ու ֆինանսների նախարարությանը, որ ԱՄՆ անգործությունն արդեն չափազանց շատ անմեղ կյանքեր է արժեցել»,- ասել է ANCA-ի գործադիր տնօրեն Արամ Համբարյանը:
Պատրաստեց Աննա Գրիգորյանը