Ադրբեջանը կրկին թիրախավորել է քաղաքացիական օբյեկտներ. գիշերը Մարտակերտում այրվել է բնակարան
1 րոպեի ընթերցում
![Ադրբեջանը կրկին թիրախավորել է քաղաքացիական օբյեկտներ. գիշերը Մարտակերտում այրվել է բնակարան](http://armenpress.am/resized/480/static/news/b/2020/10/1031428.jpg)
ԵՐԵՎԱՆ, 13 ՀՈԿՏԵՄԲԵՐԻ, ԱՐՄԵՆՊՐԵՍ: Ադրբեջանը հոկտեմբերի 12-ի հույս 13-ի գիշերը շարունակել է թիրախավորել Արցախի խաղաղ բնակավայրերը՝ Ասկերան, Մարտունի և Մարտակերտ:
«Արմենպրես»-ի հաղորդմամբ՝ այս մասին «Ֆեյսբուք»-ի իր էջում գրել է Արցախի Հանրապետության նախագահի մամուլի խոսնակ Վահրամ Պողոսյանը:
«Գիշերն անհանգիստ է եղել Ասկերան, Մարտունի և Մարտակերտ քաղաքներում։ Ադրբեջանը շարունակել է ռմբակոծել Արցախի բնակավայրերը` խախտելով մարդասիրական նպատակով հոկտեմբերի 10 -ին հայտարարված հրադադարի պահպանման ռեժիմը։ Գիշերը թիրախավորվել են քաղաքացիական օբյեկտներ։ Մարտակերտում այրվել է մեկ բնակարան»,- նշել է Պողոսյանը։
Նա հայտնել է, որ զոհեր ու վիրավորներ չկան։